`Tarim qizi` namliq shé'irlar toplimi türkiyide neshir qilindi

Süret, shaire zeynure eysa xanimning `tarim qizi` namliq shéirlar toplimining muqawa körünüshi.

Yéqinda sha'ire zeynure eysa xanimning `tarim qizi` namliq shé'irlar toplimi yawro - asiya telim - terbiye we ijtima'iy parawanliq wexpi tarmiqidiki teklimakan Uyghur neshriyati teripidin neshir qilindi.

Kitabqa sha'ire zeynure eysa xanim yazghan shé'irlar tallap kirgüzülgen. 150 Shé'ir kirgüzülgen bu kitab 170 bet bolup, bu kitabtiki shé'irlarning köpi türkchige, beziliri némis tiligha terjime qilin'ghan. Bu shi'irlarda erkinlik, musteqilliq, wetenperwerlik, weten hesritidin bashqa Uyghurlarning xitay bésimi astidiki peryadi eks ettürülgen.

Zeynure eysa xanim 1946 - yili 17 - mart küni qeshqerde tughulghan bolup, dadisi milli armiyide ofitsér doxtur bolup wezipe ötigen. Baliliq chaghliri aqsu üchturpanda ötken bolup, 1960 - yili shinjang uniwérsitétigha oqushqa kirgen, 1965 - yili uniwérsitétini püttürgendin kéyin özi püttürgen mektepte oqutquchi bolup qalghan.

1985 - Yili ikki balisini élip türkiyige köchüp chiqqan. Gérmaniyide bir mezgil turghandin kéyin, yene türkiyige qaytip kélip hazir türkiyide ijadiyet bilen shughullanmaqta. Hazirghiche 4 shé'irlar toplimi we bir terjime esiri neshir qilin'ghan.

Biz `tarim qizi` namliq shé'irlar toplimi heqqide téximu tepsili melumat élish üchün sha'ire zeynure eysa xanim bilen söhbet élip barduq.

Yuqiridiki awaz ulinishidin, muxbirimiz erkin tarimning bu heqtiki melumatining tepsilatini anglaysiz.