Кишилик һоқуқ комиссари мишәл бачлет ханим: «уйғур елигә қилидиған зияритимиз дәхли-тәрузсиз болуши керәк»

Мухбиримиз ирадә
2020-02-27
Елхәт
Пикир
Share
Принт

Бирләшкән дөләтләр тәшкилати кишилик һоқуқ комитетиниң башлиқи мишәл бачлет ханим «уйғур елигә қилидиған зияритимиз чоқум дәхли-тәрузсиз болуши керәк,» дегән тәләпни оттуриға қойди.

Хитайниң б д т дики әлчиси 26-феврал күни қилған бир сөзидә хитай һөкүмитиниң уйғур районида йолға қоюватқан сиясәтлиригә қаритилған тәнқидләрни рәт қилип, уйғур елида иқтисадий, иҗтимаий вә кишилик һоқуқ җәһәттә зор тәрәққиятлар барлиқини илгири сүргән. У бирләшкән дөләтләр тәшкилати кишилик һоқуқ комитетиниң башлиқи мишәл бачлет ханимни бу тәрәққиятларни өз көзи билән көрүп келишкә тәклип қилидиғанлиқини билдүргән иди. 

«Әл-җәзирә» телевизийәсиниң хәвәр қилишичә, мишәл бачлет ханим бүгүн кишилик һоқуқ кеңишиниң җәнвәдики йиғинида сөз қилғанда буниңға инкас қайтурған. У сөзидә хитай әлчисиниң тәклипини қарши елиш билән биргә бу зиярәтниң чәклимисиз болуши керәкликини әскәрткән.

У мундақ дегән: «биз хитайниң зиярәт тәклипи бойичә районға алдин баридиған тәйярлиқ гуруппиисниң чәклимисиз тәкшүрүш елип беришиға йол қоюлушини давамлиқ тәләп қилимиз. Биз уйғурларниң вә шундақла хитайниң омумий кишилик һоқуқ вәзийитигә қарита чоңқур тәкшүрүш елип беришни халаймиз.» 

Хитай даирилири бирләшкән дөләтләр тәшкилатиниң уйғур райониға мустәқил тәкшүргүчи әвәтиш тәлипини рәт қилип, униң орниға аталмиш «тәрбийәләш мәркәзлири» гә алдин тәйярланған зиярәтләрни уюштурған. Һалбуки, хитайниң бу тәшвиқат һәрикәтлири хәлқарани қайил қилалмиған иди.

Пикирләр (0)
Share
Толуқ бәт