ئامېرىكا پرېزىدېنتى جوۋ بايدېن «بېيجىڭ قىشلىق ئولىمپىك تەنھەرىكەت مۇسابىقىسىنى دېپلوماتىك بويقۇت قىلىشنى ئويلىشىۋاتىمىز» دېگەن

مۇخبىرىمىز ئىرادە
2021-11-18
Share

ئامېرىكا پرېزىدېنتى جوۋ بايدېن ئامېرىكانىڭ 2022-يىللىق بېيجىڭ قىشلىق ئولىمپىك تەنھەرىكەت مۇسابىقىسىنى خىتاينىڭ كىشىلىك ھوقۇق خاتىرىسى سەۋەبىدىن دىپلوماتىك بويقۇت قىلىشنى ئويلىشىۋاتقانلىقىنى ئېيتقان.

ئۇ بۇ سۆزلەرنى 18-نويابىر پەيشەنبە كۈنى كانادا باش مىنستىرى جۇستىن ترۇدو بىلەن ئۆتكۈزگەن سۆھبىتىدىن كېيىنكى مۇخبىرلارنى كۈتۈۋېلىش يىغىنىدا قىلغان.

ئۇ مۇخبىرلارنىڭ سوئالىغا جاۋاب بەرگەندە، كېلەر يىلى 2-ئايدىكى بېيجىڭ قىشلىق ئولىمپىك مۇسابىقىسىنى بويقۇت قىلىش پىكرىنى «بىز ئويلىشىۋاتقان بىر ئىش» دېگەن.

ئادەتتە ئولىمپىك مۇسابىقىسىنىڭ ئەنئەنىسى بويىچە ئامېرىكا ۋە باشقا دۆلەتلەر مۇسابىقىگە يۇقىرى دەرىجىلىك ئەمەلدارلار ئۆمىكى ئەۋەتىدىغان بولۇپ، بۇ يىل 7-ئايدا توكيودا ئۆتكۈزۈلگەن ئولىمپىك مۇسابىقىسىگە بىرىنچى خانىم جىل بايدېن ئامېرىكا تەنھەرىكەتچىلىرىگە يېتەكچىلىك قىلىپ بارغان ئىدى.

ئەگەر بېيجىڭ قىشلىق ئولىمپىكى بويقۇت قىلىنغان تەقدىردە، ئامېرىكا ئۇنىڭغا ھېچقانداق دېپلوماتىنى ئەۋەتمەيدىكەن، ئەمما تەنھەرىكەتچىلەر بېرىپ مۇسابىقىگە قاتنىشىۋېرىدىكەن.

«ۋاشىنگتون پوچتىسى» گېزىتى ئىككى كۈن ئالدىدا ئېلان قىلغان خەۋىرىدە، خىتاي ھۆكۈمىتىنىڭ ئۇيغۇرلارغا قارىتىۋاتقان ئىرقىي قىرغىنچىلىقى سەۋەبىدىن بېيجىڭ قىشلىق ئولىمپىك مۇسابىقىسىنى بويقۇت قىلىش تەكلىپىنىڭ ئاقسارايغا رەسمىي يوسۇندا يوللانغانلىقىنى ۋە پرېزىدېنت بايدېننىڭ مۇشۇ ئاينىڭ ئاخىرىغىچە بۇ ھەقتە بىر قارار چىقىرىدىغانلىقىنى بىلدۈرگەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت