Junggo puqralar küchi teshkilati: emgek bilen terbiyilesh tüzümining bikar qilin'ghanliqi ilgirilesh

Xitay démokratlirining “Junggo puqralar küchi teshkilati” xitayning yéqinda emgek bilen terbiyilesh tüzümini bikar qilghanliqini qarshi élip, eger bu ijra qilinsa puqralarning asasiy kishilik hoquqini qoghdash, döletning küchini suyi'istémal qilishqa qarshi turush yolidiki ilghar bir qedem, dep körsetti.

Mezkur teshkilatning ilgiri sürüshiche, emgek bilen terbiyilesh tüzümi kommunistik hökümetning kishilik erkinlikni qanunsiz chekleydighan küchlük qoraligha aylan'ghan. Da'iriler bu tüzümni u yolgha qoyulghan 1957-yildin buyan kommunistik réjimni tenqid qilghan, uninggha qarshi turghan puqralarni basturush üchün qollinip kelgen.

“Junggo puqralar küchi” teshkilati yene, mezkur tüzüm ijtima'iy küchlerning xususen, öktichiler, kishilik hoquqni qoghdighuchilar, edibler, ziyaliylar, adalet tuyghusigha ige sotchi we emeldarlarning nechche on yilliq izchil we ortaq tirishchanliqida bikar qilin'ghanliqini bildürüp, biraq bu puqralarning erkinlik ehwali yaxshilinidighanliqidin dérek bermeydighanliqini eskertken. Peqet asasiy qanunluq démokratiye kishilik hoquqqa kapaletlik qilidighan eng muwapiq yol ikenlikini tekitligen.

“Junggo puqralar küchi” bu yil xitayning b d t kishilik hoquq kéngishige ezaliqqa saylinishigha qarshi turush herikiti qozghighan, biraq uning ezaliqqa saylinishini tosup qalalmighan idi.