Германийә һөкүмити хитайға тақабил туруш мәқсәт қилинған йеңи истратегийәсини елан қилди

Германийә һөкүмити хитайға қаритидиған сиясәтлирини бәлгиләйдиған хитай истратегийәсини елан қилған. Бир қанчә айдин бери музакирә қилиниватқан бу истратегийәниң явропаниң омумий хитай истратегийәсини бәлгиләйдиғанлиқи мөлчәрләнмәктә.

13-Июл күни, германийә һөкүмити тәрипидин рәсмий тәстиқлинип елан қилинған һөҗҗәттә мундақ дейилгән: “хитай өзгәрди. Бу өзгиришниң вә хитайниң сиясий қарариниң нәтиҗисидә бизму хитайға болған көз қаришимизни өзгәртишимиз керәк”.

Ройтерс агентлиқиниң дейишичә, йеңи истратегийәдә хитай “системилиқ рәқиб” дәп аталған. Бу 64 бәтлик истратегийә һөҗҗити хитай һөкүмитиниң тинч окян районидики зомигәрлик һәрикәтлириниң күчийиши вә һәмдә тәминләш зәнҗирлириниң бихәтәрлики әндишисидин кейин хитайға болған истратегийәлик тайинишчанлиқини азайтиш тәқәззаси нәтиҗисидә оттуриға чиққаникән.

Германийә баш министири олаф шолз тивиттерда қилған сөзидә: “бизниң мәқситимиз бейҗиңдин айрилиш әмәс. Әмма хитайға болған һалқилиқ беқинишни азайтишни мәқсәт қилған” дегән.