Xongkong we awminda apetke uchrighan sichüenliklerge yardem bérish - bermeslik mesilisi ghulghula qilinmaqta

Aldinqi küni schüenning ya'en dégen jayida yer tewresh apiti yüz bergendin kéyin, xongkong rayon bashliqi parlamént maliye komitétidin apetke uchrighuchilargha üchün 79milyon, 610 ming som yardem puli ajritishni telep qilghan. Awmén hökümitimu mezkur apet rayonigha 77milyon 300 ming som yardem qilidighanliqini élan qilghan.

Bu nöwette xongkong we awmindiki axbarat we we jama'et sorunlirida küchlük ghulghula qozghidi. Xitayche b b s ning bu heqtiki xewiride bayan qilinishiche, kishiler, apet rayonigha pul i'ane qilsa, pulning apetke uchrighuchilargha yétip baralmaydighanliqini, uning chirik emeldarlarning chöntikige chüshüp kétidighanliqini, hetta bu pullarning zulumgha waste bolup qélish éhtimalliqini talash - tartish qilishmaqta.

Melum bolushiche, 2008 - yili sichüen wénchüende yer tewrigende, xongkongluqlar, mezkur jaygha mektep sélip bergen, emma bu mektep ikki yildin kéyin chéqiwétilip ornigha bir soda baziri sélin'ghan. Mushuninggha oxshighan misallar tilgha élin'ghan munazirilerde, beziler chirik emeldarlar bilen tolghan chong quruqluqqa peqetla yardem qilmasliqni otturigha qoysa, yene beziler, i'ane pulini hökümetning qoligha tutquzmasliq, ammiwiy teshkilar arqiliq apetke uchrighuchilarning qoligha biwaste yetküzüshni teshebbus qilghan. Yene beziler i'ane toplash, emma pulni ewetishni keynige kéchiktürüsh yeni apetke uchrighuchilargha biwaste yetküzgili bolidighan bir yol we pursetni kütüshni otturigha qoyghan.