Hyugo bos shirkiti Uyghur mejburiy emgiki mesiliside kishilik hoquq organliri bilen kélishken

Washin'gtondin muxbirimiz irade teyyarlidi
2024.05.09

Gérmaniyening dangliq kiyim-kéchek shirkiti hyugo bos (HUGOBOSS) teminlesh zenjiridiki Uyghur mejburiy emgikini hel qilish heqqide kishilik hoquq organliri bilen kélishken.

“Moda sahesidiki mejburiy emgekni ayaghlashturush” namliq guruppining 8- may küni jakarlishiche, hyugo bos shirkiti kishilik hoquq organliri bilen uchriship, teminlesh zenjiridiki mejburiy emgek mesilisini hel qilishqa qoshulghan bolup, buninggha munasiwetlik “Qayil qilarliq jawab yaki chare” ni otturigha qoyidighanliqi heqqide wede bergen.

Mezkur guruppa “X” tiki inkasida hyugo bos shirkitining kishilik hoquq organliri bilen kélishim hasil qilghanliqini tebriklesh bilen birge, téximu köp moda kiyim-kéchek markilirini shundaq qilishqa dewet qilghan.

Ular uchurida, nöwette gés (GUESS), liways(LEVIS), nayki (Nike) we zara (ZARA ) qatarliq 7 markining mejburiy emgek sewebidin tekshürülüwatqanliqini bildürgen.

2021- Yili kishilik hoquq pa'aliyetchiliri, uniwérsitét oqughuchiliri we tesiri küchlük shexsler birlikte qurghan “Moda sahesidiki mejburiy emgekni ayaghlashturush” guruppisi dunyadiki moda kiyim markilirining Uyghur mejburiy emgikidin payda élishini ayaghlashturush meqsitide qurulghan bolup, shuningdin buyan Uyghur mejburiy emgikige xatime bérish üchün xizmet qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.