Иранлиқлар теһранда сәуди әрәбистанға қарши наразилиқ намайиши өткүзди

Мухбиримиз үмидвар
2016-01-03
Елхәт
Пикир
Share
Принт


Йәкшәнбә күни иран пайтәхти теһрандики сәуди әрәбистан әлчиханиси алдида бир топ адәмләр наразилиқ намайиш өткүзүп, бир қисим күч көрсәткүчиләр әлчихана ичигә бөсүп кирип, ишик - деризиләрни уруп - чеқивәткән.Вәқә йүз бәргәндин кейин сақчилар мәзкур һуҗумчиларни тарқақлаштурған, улар йәнә сәуди әрәбистанға қарши тәшвиқат варақлирини тарқатқан.

Ройтерс агентлиқиниң хәвиридин мәлум болушичә мәзкур намайишчи - наразилиқ билдүргучиләр сәуди әрәбистанниң тонулған шиә моллиси нимр ал - нимрни терроризм билән әйибләп, өлтүрүшигә нарази болған.

Шәнбә күни сәуди әрәбистанда йәнә 47 адәм терроризм җинайити билән өлүмгә һөкүм қилинип иҗра қилинған болуп, нимр әл нимр шуларниң қатарида икән.

Нимр бәкир ал нимр адәттә сәуди әрәбистанда шәйх нимр дәп атилидиған болуп, у 2011 - йилидин кейн шиәләрниң һөкүмәткә қарши һәрикәтлирини қоллиши биләт нам чиқарған икән.

Иран ташқи ишлар баянатчиси кишиләрни өзини тутувелишқа чақирған.

Б б с ниң хәвәр қилишичә, вәқәдин кейин, йәкшәнбә күни иран алий дини даһийси һамәйни сәуди әрәбистанни қаттиқ агаһландурған.

Толуқ бәт