ئوباما بىلەن دالاي لامانىڭ يېقىندا ئوچۇق-ئاشكارا يۈز كۆرىشىدىغانلىقى ئىلگىرى سۈرۈلمەكتە

مۇخبىرىمىز قۇتلان
2015-01-30
Share

«ئامېرىكا ئاۋازى» رادىئوسى بىلەن «دەۋر» ژۇرنىلىنىڭ خەۋىرىگە قارىغاندا، ئامېرىكا پرېزىدېنتى بارراك ئوباما بىلەن تىبەتلەرنىڭ روھانىي داھىيسى دالاي لامانىڭ يېقىندا ئوچۇق-ئاشكارا يۈز كۆرىشىدىغانلىقى بىلدۈرۈلمەكتە.

خەۋەردە دېيىلىشىچە، ئوباما بىلەن دالاي لامانىڭ رەسمىي يۈز كۆرۈشۈشى 2-ئاينىڭ 5-كۈنى، يەنى ئامېرىكا بويىچە ئۆتكۈزۈلىدىغان مەملىكەتلىك تىلاۋەت ناشتىلىقى پائالىيىتىدە بولىدىكەن. دالاي لاما گەرچە مەزكۇر پائالىيەتكە ئوچۇق-ئاشكارا تەكلىپ قىلىنغان بولسىمۇ، لېكىن ئۇنىڭ شۇ كۈنى سۆزگە چىقمايدىغانلىقى ئىلگىرى سۈرۈلمەكتە.

مەلۇم بولۇشىچە، بۇ قېتىملىق ئۇچرىشىش ئوبامانىڭ دالاي لاما بىلەن 4-قېتىملىق يۈز كۆرۈشۈشى ھېسابلىنىدىكەن.

بېيجىڭ دائىرىلىرىنىڭ بۇ ھەقتىكى كۈچلۈك قارشىلىقىدىن ساقلىنىش ئۈچۈن ئوباما بىلەن دالاي لامانىڭ 5-فېۋرال كۈنىدىكى ئۇچرىشىشىغا ھېچقانداق مۇخبىر تەكلىپ قىلىنمايدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت