15 Neper tibet kadirigha "Dalay lamagha uchur yetküzgen" dégen bahanide chare körüldi

Muxbirimiz irade
2015-01-28
Share


Tibet aptonom rayonida 15 neper tibet kadirgha "Dalay lamagha axbarat yetküzgen" dep chare körüldi.

Xitay shinxu'a agéntliqining 27 - yanwardiki axbaratida, zangzu aptonom rayoni hökümitining bash katipi wang gangning sözi neqil élinip, " Ötken hepte 15 neper zangzu kadiri we kompartiye ezasi intizamgha éghir derijide xilapliq qilghanliqi üchün chare körülgenliki, ularning dalay guruhigha axbarat yetküzgen dégen gumanda tekshürülüwatqanliqi" xewer qilindi.

Xewerde yene, bu tibet kadirliri arisida aptonom rayonida qanunsiz qurulghan "Tibet musteqilchiliri yer asti teshkilati"gha eza bolghanlar barliqi, ular dalay lama guruhigha yetküzgen axbaratlarning dölet bixeterlikige ziyan yetküzgenliki" tilgha élin'ghan.

2013 - We 2014 - yilliri Uyghur aptonom rayonida yüz bergen qarshiliq heriketlirining ilgiriki yillardikidin köp we shiddetlik bolushi, xitay hökümitining béshini aghritqan mesililerning birige aylan'ghan. Xitay re'isi shi jinping 2014 - yili 5 - ayning 23 - künidin bashlap memliket boyiche bir yilgha sozulghan "Térrorluqqa zerbe bérish herikiti" élip baridighanliqini élan qilghandin kéyin, tibet aptonom rayonidimu atalmish"Dalay lama guruhigha rerbe bérish, bölgünchilikke qarshi turush" namida zerbe bérish heriketliri élip bérilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.