Xitay amérikidin intérnét bixeterliki we térrorluqqa qarshi hemkarliqni kücheytishni telep qildi

Muxbirimiz shöhret hoshur
2016-03-16
Share

Xitay jama'et xewpsizlik ministiri go shéngkun düshenbe küni xitayda ziyarette boluwatqan amérika fédaral tekshürüsh idarisining bashliqi jemis komey bilen körüshkende xitayning amérika bilen intérnét bixeterliki we térrorluqqa qarshi hemkarliqni kücheytishni xalaydighanliqini otturigha qoyghan. Roytirisning bu heqtiki xewiride bayan qilinishiche, jemis komey amérikining xitay bilen bu jehettiki hemkarliqta emeliyetchil bolushni xalaydighanliqini eskertken. Xewerde yene amérika prézidénti obamaning ilgiri xitay dölet re'isi shi jinping bilen körüshkende xakkérlar we soda mexpiyetlikini oghrilash mesilisi üstide sözleshkenliki, xitay terepning bolsa yillardin béri gherb döletliridin térrorluqqa qarshi hemkarliqni telep qilip kelgenliki, emma xitay terep térrorluq dep eyiblewatqan Uyghur rayonidiki qarshliq heriketlirining emeliyette siyasiy bésimdin kélip chiqqanliqi eslitilgen.

Shinxu'aning tünügünki xewiride déyilishiche, xitay terep amérikidin yene, chet'elge qachqan parixor emeldar we ularning bayliqini qayturup ekilish jehettimu zich hemkarlishishni telep qilghan. Emma xewerde amérika terepning bu telepke qarita pozitsiyesining qandaq bolghanliqi tilgha élinmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet