خىتاي بۇ يىلمۇ ئىنتېرنېت ئەركىنلىكى ئەڭ ناچار دۆلەت دەپ باھالاندى

مۇخبىرىمىز جۈمە
2015-10-28
Share

خىتاي بۇ يىلمۇ ئىنتېرنېت ئەركىنلىكى ئەڭ ناچار دۆلەت دەپ باھالىنىپ ئىران ۋە سۈرىيەنىڭ كەينىگە تىزىلدى.

ئەركىنلىك سارىيى چارشەنبە كۈنى ئېلان ئىلغان 2015-يىللىق ئىنتېرنېت ئەركىنلىكى دوكلاتىغا قارىغاندا، خىتايدىكى ئىنتېرنېت ئەركىنلىكى چەكلىمىسى 2015 -يىلى ئالدىنقى يىلىدىكىدىن بىر دەرىجىدە ئېغىرلاشقان.

خىتايدىكى ئىنتېرنېت چەكلىمە دەرىجىسى 2014-يىللىق دوكلاتتا 87 بولغان بولسا، بۇ يىل 88 گە چىققان.

ئەركىنلىك سارىيىنىڭ ئۆلچىمى بويىچە، تور ۋە ئىنتېرنېتكە قارىتىلغان چەكلىمە دەرىجىسى نۆل بولغاندا ئەڭ ياخشى، 100 بولغاندا ئەڭ ناچار دەپ قارىلىدۇ.

بۇ يىل جەمئىي 65 دۆلەتنىڭ ئىنتېرنېت ئەركىنلىك دەرىجىسى باھالانغان.

بۇنىڭدا ئىنتېرنېت ئەركىنلىككە قارىتىلغان چەكلىمە 6 دىن 24 كېچە بولغان، يەنى بىر قەدەر ياخشى بولغان دۆلەتلەر ئىسلاندىيە، ئېستونىيە، كانادا، گېرمانىيە، ئامېرىكا، ئاۋسترالىيە، ياپونىيە، ئەنگلىيە، ئىتالىيە، فىرانسىيە ۋە ۋېنگىرىيە قاتارلىقلا دۆلەتلەر ئىكەن.

چەكلىمە دەرىجىسى ئەڭ قاتتىق، يەنى ئىنتېرنېت ئەركىنلىك چەكلمىسى 80 دىن يۇقىرى بولغان دۆلەتلەر خىتاي، كۇبا، ئېفىيوپىيە، سۈرىيە ۋە ئىران قاتارلىق دۆلەتلەر بولۇپ، خىتاي بۇلارنىڭ ئىچىدە كەينىدىن سانىغاندا 1-لىكنى ئالغان.

ئەركىنلىك سارىيىنىڭ دوكلاتىدا، خىتاي ئىنتېرنېتتىكى «سىياسىي، ئىجتىمائىي مەزمۇنلار چەكلىنىدىغان، تور يازغۇچىلىرى قولغا ئېلىنىدىغان، ئاخبارات ئەركىن بولمىغان» دۆلەت دەپ كۆرسىتىلگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت