Хитай бу йилму интернет әркинлики әң начар дөләт дәп баһаланди

Мухбиримиз җүмә
2015.10.28

Хитай бу йилму интернет әркинлики әң начар дөләт дәп баһалинип иран вә сүрийәниң кәйнигә тизилди.

Әркинлик сарийи чаршәнбә күни елан илған 2015-йиллиқ интернет әркинлики доклатиға қариғанда, хитайдики интернет әркинлики чәклимиси 2015 -йили алдинқи йилидикидин бир дәриҗидә еғирлашқан.

Хитайдики интернет чәклимә дәриҗиси 2014-йиллиқ доклатта 87 болған болса, бу йил 88 гә чиққан.

Әркинлик сарийиниң өлчими бойичә, тор вә интернеткә қаритилған чәклимә дәриҗиси нөл болғанда әң яхши, 100 болғанда әң начар дәп қарилиду.

Бу йил җәмий 65 дөләтниң интернет әркинлик дәриҗиси баһаланған.

Буниңда интернет әркинликкә қаритилған чәклимә 6 дин 24 кечә болған, йәни бир қәдәр яхши болған дөләтләр исландийә, естонийә, канада, германийә, америка, австралийә, японийә, әнглийә, италийә, фирансийә вә венгирийә қатарлиқла дөләтләр икән.

Чәклимә дәриҗиси әң қаттиқ, йәни интернет әркинлик чәклмиси 80 дин юқири болған дөләтләр хитай, куба, ефийопийә, сүрийә вә иран қатарлиқ дөләтләр болуп, хитай буларниң ичидә кәйнидин саниғанда 1-ликни алған.

Әркинлик сарийиниң доклатида, хитай интернеттики “сиясий, иҗтимаий мәзмунлар чәклинидиған, тор язғучилири қолға елинидиған, ахбарат әркин болмиған” дөләт дәп көрситилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.