Хитай вә тәйвән президентлири тунҗи қетим йүз туранә көрүшмәкчи

Мухбиримиз әркин
2015-11-04
Share


Хитай вә тәйвән президентлири 66 йилидин буян тунҗи қетим йүз туранә көрүшмәкчи.

Хәвәрләргә қариғанда, хитай президенти ши җинпиң вә тәйвән президенти ма йиңҗю 7 - ноябир сингапорда учришидикән.

Мәлуматларға қариғанда, мәзкур учришишниң тәйвәндә хитайға қарши пикир еқими баш көтүрүшкә башлиған мәзгилгә һәмдә тәйвәндә өткүзүлидиған президент вә парламент сайламлириниң алдиға тоғра келиши диққәт қозғиған.

BBC Да хәвәр қилишичә, һәр икки тәрәп сөһбәтләрниң икки қирғақ мунасивәтлиригә мәркәзлишидиғанлиқини билдүрүшкән.

1949 - Йили хитай коммунист һөкүмити һакимийәт бешиға чиққандин кейин, җаң җйеши тәйвәнгә чекинип, әслидики «җуңхуа минго» намидики дөләт аппаратини сақлап қалған.

Һалбуки, хитай даирилири тәйвәнниң игилик һоқуқини та һазирғичә етирап қилмай кәлгән. Икки тәрәп мунасивәтлири 2008 - йили ма йиңҗю тәйвән президенти болуп сайланғандин буян бир қәдәр яхшиланған.

Бәзи мәлуматларда бу нөвәтлик сайламда нөвәттә һакимийәт бешидики партийә - гоминдаң партийәсиниң, тәйвәнниң мустәқиллиқини яқилиғучи - демократик тәрәққият партийәсигә уттуруп қойидиғанлиқи пәрәз қилинған иди.

Икки тәрәп алий рәһбәрлириниң тунҗи қетимлиқ тарихий учришишида йәнә немиләрниң музакирә қилинидиғанлиқи һазирчә ахбаратқа қараңғу.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт