Хитайдики машина һуҗумида өлгәнләр 11 гә йәтти

Мухбиримиз әзиз
2018-09-13
Елхәт
Пикир
Share
Принт

Бирләшмә агентлиқниң 13-сентәбирдики хәвиригә қариғанда хунән өлкисиниң хеңяң шәһиридә бир киши кәчлик сәйлидики кишиләр топиға машина билән һуҗум қилған, андин хәнҗәр вә гүрҗәк көтүргиничә учриғанлар адәмни чанашқа башлиған. Нәтиҗидә бүгүнгә қәдәр шу қетимлиқ һуҗумда җәмий 11 хитай өлгән. яриланғанлардин 44 киши дохтурханида даваланмақта икән.

Хеңяң шәһәрлик һөкүмәт бу һәқтики баянатта «җинайәт гумандари илгири зәһәр әткәсчилики билән шуғулланған. Оғрилиқ вә булаңчилиқ қилмиши садир қилған» дегән. Униң «җәмийәттин өч елиш үчүн» бу қетимлиқ һуҗумни қозғиғанлиқини билдүргән.

Хәвәрдә ейтилишичә, 12-сентәбир кәчқурун җинайәт гумандари, 54 яшлиқ яң зәнйүн адәмләр миғилдап турған «хәлқ мәйдани» ға машина һәйдигиничә сигнал бәрмәстин юғури сүрәттә бөсүп киргән. Машина түврүккә үсүп тохтиғандин кейин яң зәнйүн машинидин сәкрәп чүшүп адәмләргә һуҗум қилған. Пүткүл һәрикәтниң характери 2013-йили бейҗиңда йүз бәргән «тйәнәнменға машинилиқ һуҗум қилиш» вәқәсигә пүтүнләй охшайдиған болуп, хитай һөкүмити әйни вақитта бу һуҗумни «җиһад идийәси билән зәһәрләнгән уйғур террорчилири» ниң қилғанлиқини елан қилған иди. Әмма хеңяң шәһиридики охшаш һуҗумни хитай һөкүмитиниң террорлуқ билән әйиблимәслики кишиләрниң диққитини қозғиғанлиқи мәлум.

Хәвәрдә ейтилишичә, шаңхәй, бейҗиң қатарлиқ җайларда хитай пуқралар мәктәп балилириға һуҗум қилиш, айродромда бомба партлитиш дегәндәк қилмишларни садир қилип, нәччә онлиған кишиләр өлтүрүлгән болсиму хитай һөкүмити бу ишларни изчил «роһий кесәллик» яки «җәмийәттин өч елиш» дегәндәк әйибләр билән хуласиләп кәлмәктә икән.

Пикирләр (0)
Share
Толуқ бәт