Җаң чүншйән хитай ишчиларни уйғур елигә көпләп келишкә чақириди

Мухбиримиз җүмә
2014-08-23
Share


Хитай даирилири мәмликәтлик ишчилар уюшмисиниң иккинчи нөвәтлик аталмиш "шинҗаңға ярдәм бериши йеғини" ни чақирип, мәзкур саһәниң ярдәмлирини муәййәнләштүргән болсиму, әмма йиғинда йәнә бир нуқтини тәкитләшни йошуруп қалалмиған.

У болсиму, хитай өлкилиридики ишчиларни уйғур елигә келип игилик тикләшкә тәшкилләш чақириқидин ибарәт.

Йиғин 21 - авғуст үрүмчидә ечилған болуп, юқириқи сөзләрни уйғур аптоном райони парткоминиң баш секретари җаң чүншйән оттуриға қойған.

У сөзидә һәр милләт ишчилири арисидики иттипақлиқни илгири сүрүш, уйғур райондики ишчиларни ичкири өлкиләргә берип өгиниш вә хизмәт қилишқа тәшкиллик йетәкләш дегәндәк кона гәпләрни базарға салған болсиму, ахирида асаслиқ қилип мундақ дегән: ичкири өлкиләрдики техиму көп ишчи - хизмәтчиләрни шинҗаңға келип хизмәт тепиш вә игилик тикләшкә тәшкилләш керәк.

Йиғинда йәнә хитай мәмликәтлик ишчилар уюшмиси парткоминиң секретари чең хуа сөз қилған.

"тәңритағ" торида бу һәқтә берилгән хәвәргә қариғанда, йиғинда нур бәкригә сөзләш пурсити берилмигән.

Хитай даирилири 2009 - йилдики үрүмчи намайишидин кейин аталмиш "шинҗаң хизмәт йиғини" ни чақирип, хитайниң 19 өлкисини шинҗаңға ярдәм бериш қурулушиға тәклип қилған.

Шундин кейин уйғур елидә мәҗбурий йәр игиләш, бағваранларни вәйран қилип орниға аталмиш санаәт районлирини бәрпа қилиш қурулуши көләмлишишкә башлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт