Мәлумки, өткәнки әсирниң биринчи йеримида шәкиллинишкә башлиған қазақистан уйғур драматургийиси өз тәрәққият йолида бир нәччә басқучларни бесип өтти. Бу җәрянда у совет идийисиниң қаттиқ тәсири астида болуп кәлди. Уйғур драматургийиси бесип өткән әнә шу басқучларниң алаһидилики немидә, уйғур драматурглири немиләргә көпрәк әһмийәт бәргән, һазирқи күндә қазақистандики уйғур драматургийисиниң әһвали қандақ, әнә шуниңға охшаш мәсилиләр көпчиликни ойландуруши тәбиий.
Радиомиз зияритидә болған қазақистан уйғур драматургийиси тарихи бойичә мутәхәссис, филологийә пәнлириниң намзати рабик исмайилоф бу һәққидә өз қарашлирини оттуриға қойди.
