Профессор абләхәт хоҗайеф: қирғинчилиқ чйән лоң вә зо зоңтаңдин башланған

Мухбиримиз үмидвар
2022.03.17
Профессор абләхәт хоҗайеф: қирғинчилиқ чйән лоң вә зо зоңтаңдин башланған Өзбекистан пәнләр академийәси йетәкчи тәтқиқатчиси профессор абләхәт хоҗайеф. Ташкәнт.
RFA/Ümidwar

Америка қатарлиқ бир қисим ғәрб демократик дөләтлири етирап қилған хитайниң нөвәттә уйғурларға елип бериватқан сияситиниң “ирқий қирғинчилиқ” вә “инсанийәткә қарши җинайәт” икәнлики һәққидики әйибләшлиригә қарита хитай һөкүмити буни қаттиқ рәт қилип, өзлириниң уйғурларға һечқачан қирғинчилиқ йүргүзмигәнлики әксичә, уларниң кәмбәғәлликтин қутулуп бәхтияр яшиши үчүн күрәш қиливатқанлиқини көрситиду. Шуниң билән бир вақитта хитай ташқи ишлар министирлиқи баянатчилири нәччә қетимлап америка, германийә, канада қатарлиқ әлләрни тарихта индианларға, йәһудийларға вә башқиларға қарита қирғинчилиқ қилғанлиқлирини көрситип, тарихқа мураҗиәт қилиду. Йеқинда хитай ташқи ишлири министрлиқи мәхсус американиң тарихта индианларға қирғинчилиқ қилғанлиқи һәққидә доклатму елан қилди. Ундақта, һазир уйғурларға қарита қирғинчилиқ йүргүзүватқан хитай өзиниң уйғур диярини ишғал қилиш вә башқуруш тарихида қирғинчилиқ қилмиғанму? бүгүнки хитай, охшашла хитай дөлити вә хитайниң тарихтики сулалиси дәп қарайдиған мәнчиң империйәсниң дәридә вә кейинки дәврләрдә уйғур елидики қанчилиған уйғур, моңғул, қазақ вә башқа хәлқләрни қирғин қилиш тарихиға немә дәйдикин? өзбекистан пәнләр академийәси шәрқшунаслиқ институтиниң пешқәдәм йетәкчи тәтқиқатчиси, тарих пәнлири доктори, профессор, 50 йилдин артуқ вақиттин буян москва вә ташкәнтләрдә уйғур вә оттура асия тарихи тәтқиқати билән шуғуллинип, 20 әтрапидики илмий китаб вә зор сандики мақалиләрниң аптори абләхәт хоҗайеф мәзкур тарихтики қирғинчилиқлар һәққидә мән билән сөһбәттә болди.

Диққитииңлар бу улиништики сөһбәтниң тәпсилатида болсун

Юқирида профессор абләхәт хоҗайефниң уйғурларниң қирғинчилиққа учраш тарихи һәққидики баянлирини аңлидиңлар.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.