Тарих вә бүгүн (13 - май)

Бу йил май ейида уйғурларниң 1962 - йили кәң көләмдә сабиқ совет иттипақиға көчүп чиққанлиқиға сақ 50 йил тошти. 1962 - Йилидики көч - көч, уйғур елиниң 19 - вә 20 - әсир тарихидики бир қатар көчүшләрниң давами иди. 1877 - Йили, зо зоңтаң қәшқәрийини бойсундурғанда вә 1881 - йили, русийә илини чиң сулалисиға қайтуруп бәргәндә, уйғурларниң бир қетимлиқ кәң көләмдә көчүш вәқәси йүз бәргән иди.
Мухбиримиз үмидвар
2012-05-13
Share

20 - Әсирниң 20 - 30 - йиллирида көплигән уйғурларниң қайтидин совәт һакимийитиниң зулумидин илиға көчүш долқуни қозғалған болса, 1955 - йилидин 1962 - йилиғичә болған арилиқта уйғурларниң қайтидин совет иттипақиға көчүш долқуни қозғалди. 1962 - Йилили, или вә чөчәктики уйғур вә қазақларниң кәң көләмдә совет иттипақиға көчүш һәм қечиш вәқәси йүзбәрди. Шу вақиттики қечишта 60 миңдин артуқ аһалиниң кәткәнлики баян қилиниду. Бирақ, башқа материялларда 1955 - 1962 - йиллири арисида 200 миңдин артуқ һәр милләт пуқраси паспорт билән һәм қечиш усули билән совет иттипақиға кәткәнлики баян қилиниду.

Омумән, 1949 - йили, хитай компартийиси уйгур елини игилигәндин кейинки, кәң көләмдә йүзбәргән көчүш вә яки қечишқа бу йил 50 йил тошти. Шу көчүшкә қатнашқан уйғурлар бу күнләрни әслимәктә.

Алмута вилайитиниң челәк наһийисиниң қараторуқ йезисидики 12 балиниң аниси тунсахан ана әнә шу қетимлиқ көчүштә илидин қазақистанға келип йәрлишип қалған иди. У, өзиниң көчүш җәрянидики әһваллирини сөзләп бәрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт