Уйғуршунаслиқ илмий муһакимә йиғини тарихидин (1)

Ихтиярий мухбиримиз ойған
2014.11.02


Уйғурларниң тили, әдәбияти, тарихи, сәнити вә башқиму саһәлири бойичә тәтқиқатлар өткәнки әсирниң 50 - йиллиридин кейин кәң даиридә әвҗ алған иди. Бу йөнилиштә болупму совет уйғуршунас алимлириниң алаһидә төһпә қошқанлиқини ейтиш керәк. Уйғуршунаслиқ илмини техиму раваҗландуруш, униң тәтқиқат саһәлирини йәниму кеңәйтиш, дуня миқиясидики униң ролини күчәйтиш вә уйғуршунаслар арисидики өзара алақиләрни мустәһкәмләш шу вақитларда әң муһим вәзипиләрдин болған иди.

Совет иттипақи пәнләр академийиси тилшунаслиқ институти йенидики түркий тиллар бөлүминиң тәшәббуси билән 1966 - йили москвада уюштурулған уйғуршунас алимлириниң учришиши бу саһәниң тарихида муһим вәқә болди. Мәлуматларға қариғанда, мәзкур учришишқа русийәлик, қазақистанлиқ алимлардин ташқири мәшһур швет алими гуннар ярингму қатнашти. Бу баш қошушта уйғуршунаслиқ илминиң әң муһим мәсилилири һәм униң тәрәққиятиниң келәчики муһакимә қилинған иди. Бу мәсилиләр 1979 - йили алмата шәһиридә өткән 1 - җумһурийәтлик уйғуршунаслиқ илмий муһакимә йиғинида техиму кәң даиридә қаралди.

Буниңдин 35 йил муқәддәм өткән мәзкур илмий муһакимә йиғини немә үчүн өткүзүлди һәм ким тәрипидин уюштурулди? униңға кимләр қатнашти? йиғинниң тарихий әһмийити немидә болди?

Биз бу һәқтә әнә шу йиғин қатнашқичилириниң бири, тарих пәнлириниң намзати мунир йерзин билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.