«نۇرى تۈركەل شەرەپ كەچلىكى» دە ئۇيغۇرلار مەسىلىسى مەركىزىي تېما بولدى

«ئۇيغۇر كىشىلىك ھوقۇق قۇرۇلۇشى» باش ساھىبخانلىقىدىكى بۇ قېتىملىق پائالىيەت ئامېرىكا خەلقئارا دىنىي ئەركىنلىك كومىتېتىنىڭ سابىق رەئىسى نۇرى تۈركەلنىڭ ھازىرغىچە ئىشلىگەن خىزمەتلىرىگە بېغىشلانغان. ئامېرىكا ئاۋام پالاتاسىنىڭ سابىق رەئىسى نەنسىي پېلوسى خانىم پائالىيەتتە قىلغان سۆزىدە نۇرى تۈركەلگە ئوخشاش كىشىلەرنىڭ تېخىمۇ كۆپ ئوتتۇرىغا چىقىشى لازىملىقىنى تەكىتلەپ، «بىز بۇ كۈرەشتىن ھەرگىزمۇ ۋاز كەچمەيمىز، شۇنىڭدەك غەلىبىگە بولغان ئۈمىدىمىزنى تېخىمۇ يوقاتمايمىز» دەپ كۆرسەتتى.