Сенатор марша блакбурн NBA ниң уйғур елидики зулумларға көз юмуп әхлақий җәһәттин мәғлуп болғанлиқини билдүрди

Мухбиримиз җүмә
2020-08-09
Елхәт
Пикир
Share
Принт
Америка кеңәш палатаси әзаси сенатор марша блакбурн
Америка кеңәш палатаси әзаси сенатор марша блакбурн
c-span.org

Америка кеңәш палатаси әзаси сенатор марша блакбурн «вал стрет журнили гезити» дә обзор елан қилип, америка васкетбол бирләшмиси-NBA ни уйғур елидики зулумларға көз юмуп әхлақий җәһәттин мәғлуп болди, дәп әйиблиди.

Униң көрситишичә, америкида иҗтимаий адаләт байриқини көтүрүшкә алдирайдиған NBA уйғур елдики мәшиқ базилирида йүз бәргән дәпсәндичилик вә хорлашларға көз юмған.

Өткән айниң ахири ESPN дә берилгән бир парчә хәвәрдә, америка васкетбол бирләшмиси хитайниң уйғур райони қатарлиқ җайлирида ачқан мәшиқ базилирида тәрбийилиниватқан яш топчиларниң харлинидиғанлиқи, хитай мәшқавулларниң оқуғучи топчиларни уридиғанлиқи, уларға нормал маарип тәрбийәси берәлмәйдиғанлиқини ашкарилиған. 

Хәвәрдә көрситишичә йәнә, уйғур елидики мәшиқ базилирида ишләйдиған америкилиқ мәшқавуллар йәрлик хитай сақчилириниң тәқиблиригә учриғандин сирт, өй иҗарә елиштиму қийинчилиққа йолуққан икән. 

Сенатор марша блакбурн обзорида мундақ көрсәтти: «NBAниң шинҗаңдики позитсийәси, хитай компартийәсигә баһаси мувапиқ болсила һәр қандақ нәрсә үстидә, һәтта адәм һаяти үстидиму сала қилишқа болидиғанлиқидин ибарәт күчлүк учурини йоллиди.»

У обзорида NBA ниң йеқинқи айлардин буян америкида оттуриға чиққан аммиви наразилиқларда башқа чоң ширкәтләргә охшашла иҗтимаий адаләт байриқини юқири көтүргәнликини, нөвәттә «қариларниң һаятиму қәдирлик» дегән шоарниң бирләшмигә әза 300 әтрапидики топчиниң майкисиға бесилғанлиқини оттуриға қойған. 

У, бу йәргә кәлгәндә мундақ язған: «әмма рәсмий иҗазәт берилгән һесдашлиқ билдүрүшләрни NBA ниң хитайға тутқан позитсийәси билән селиштурулмай туралмайсиз.» 

У обзорида йәнә NBA ниң «уйғур вә башқа мусулманлар өлтүрүлидиған» уйғур елидә 

2019-Йилидин буян мәшиқ базилири тәсис қилишқа башлиғанлиқини көрсәткән.

У мундақ язған: «бу әслиһәләр уйғур мусулманлири вә башқа етник аз санлиқларни кәң көләмдә олтуруш билән сесиқ нами таралған, мәҗбурий сиясий қайта тәрбийәләш елип бериливатқан вә йәһудий чоң қирғинчилиқидин кейин пуқралар әң кәң көләмгә қамалған бир районға җайлашқан иди.»

У NBA хадимлириниң йиллардин бери буларни билип турған болсиму, һечқандақ агаһландуруш бәрмигәнлики, уларда һечқандақ әхлақий җиддийлишиш көрүлмигәнлики, пәқәт уларниң «әқилгә мувапиқ һалда тән алмаслиқ» позитсийәсидә болуп кәлгәнликини оттуриға қойди.

Хитай һөкүмити өткән йили өктәбирдә NBA һостон ракета командисиниң баш директори дарйл морейниң хоңкоңдики намайишни қоллап тарқатқан твиттер учури сәвәблик NBA гә өч елиш характерлик позитсийәдә болған вә NBA ни кәчүрүм соратқан иди.

Пикирләр (0)
Share
Толуқ бәт