Abdulhekimxan mexsumning wapat bolghanliqining 4 yilliqini xatirilesh pa'aliyiti ötküzüldi

Ixtiyariy muxbirimiz éhsan
2020-12-23
Share
Abdulhekimxan mexsumning wapat bolghanliqining 4 yilliqini xatirilesh pa'aliyiti ötküzüldi Tonulghan jama'et erbabi we dini alim abdulhekimxan mexsum.
Social Media

22-Dékabir küni, istiqlal téléwiziyesining orunlashturushi bilen tonulghan jama'et erbabi we dini alim abdulhekimxan mexsumning wapatining 4 yilliqi munasiwiti bilen tor xatirilesh yighilishi ötküzüldi. Yighin'gha abdulhekimxan mexsumning sepdashliri we sawaqdashliridin sherqi türkistan pen we ma'arip hemkarliq teshkilatining re'isi hidayetulla oghuzxan, tonulghan jama'et erbabi abduqadir yapchan, doktor alimjan boghda, sherqi türkistan ölimalar birlikining re'isi doktor atawulla shahyar we atawulla xelpet hajim qatarliqlar ishtirak qildy.

Yighinda, dini alim abdulhekimxan mexsumhajimning hayat waqtidiki ish-izliri, pikir-qarashliri we küresh jeryanidiki ghaye we meqsetliri muhakime qilindi.

Sherqi türkistan ölimalar birlikining re'isi doktor atawulla shahyar ependim abdulhekimxan mexsumning pikir-qarashliri we hayati heqqide toxtaldi. Atawulla shahyar ependim abdulhekimxan mexsumning türkiyediki Uyghur teshkilatlirining qurulushidiki roli, Uyghur oqughuchilarning terbiyelinishidiki emgeklirini mu'eyyenleshtürüp, özlirining xelq üchün ter tökken, japa chekken kishilerni untumaydighanliqini, menggü yat étip turidighanliqini éytti.

Bu heqte ziyaritimizni qobul qilghan qehrimanmarash sütchi imam uniwérsitétining oqutquchisi doktor alimjan boghda ependim abdulhekimxan mexsumning türkiyediki sherqi türkistan teshkilatlirining qurulushidiki roli heqqide toxtilip mundaq dédi:

"Abdulhekimxan mexsum yéqinqi zaman sherqi türkistan milliy musteqilliq dawasigha nahayiti chong töhpe qoshti. Bolupmu her xil döletlerde dini sahede oqughan yashlarni toplap, sherqi türkistan dawasigha emeliy xizmet qilidighan sehipe ichip berdi. 2006-Yili sherqi türkistan ma'arip we hemkarliq jem'iyitini qurush bilen teshkillesh xizmitini bashlighan boldi. Abdulhekimxan mexsumning teshebbusi bilen qurulghan sherqi türkistan ma'arip we hemkarliq jem'iyitining qurlishi bilen türkiyede we xelq'arada sherqi türkistan dawasi janlandi. Dawani siyasiy jehettinla ilip méngish emes, ilmiy sahediki mutexessislerni layiqida teshkillesh meqsitide sutuq bughraxan ilim we medeniyet fondini qurup chiqti. Ölimalar birlikining qurlishidimu chong rol oynidi. Teshkilatlarni bir yerge toplap, öz ara hemkarlishidighan weziyet shekillendürüsh üchün köp küch chiqardi. Sherqi türkistan dawasida, yéqinqi zaman tariximizda nahayiti chong töhpe we hessilerni qoshti".

Pa'aliyetke qatnashqan jama'et erbabliri we abdulhekimxan mexsumning hayat waqtidiki sepdashliri abdulhekimxan mexsumning milliy musteqilliq dawasidiki roli, ottura asiya döletliri we wetende Uyghur dawasi üchün ilip barghan heriketliri heqqide tepsiliy toxtaldi.

Sherqi türkistan yéngi ewlad herikitining bashliqi abdusalam teklimakani ependim ziyaritimizni qobul qilip atisi abdulhekimxan mexsum heqqide toxtilip ötti.

Abdulhekimxan mexsum hajim 1963-yili qaghiliq nahiyeside dunyagha kelgen. Bashlan'ghuch, ottura we toluq ottura mekteplerni qaghiliqta tamamlighan. 1980-Yillarda, qaghiliqtiki meshhur diniy alim abdulhekimxan mexsumdin diniy telim alghan. 1992-Yili misirgha bérip, ezher uniwérsitétida ilim tehsil qilghan. 2003-Yili istanbulgha kélip türkiyediki Uyghur jama'itining teshkillinishi we siyasiy pa'aliyetliride muhim rol oynighan. Abdulhekimxan mexsum 2016-yili 22-dékabir istanbulda 53 yéshida wapat bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet