Baliliridin xewer alalmaywatqan anilar enqerede axbarat élan qilish yighini ötküzdi

Ixtiyariy muxbirimiz azigh
2021-03-29
Share
Baliliridin xewer alalmaywatqan anilar enqerede axbarat élan qilish yighini ötküzdi Xitay hökümitining tosqunluqi seweblik baliliri heqqide uchurgha érishelmey kelgen anilar enqere ulus meydanida axbarat élan qilish pa'aliyiti élip bardi. 2021-Yili 27-mart, türkiye.
RFA/Azigh

Xitayning yighiwélish lagéri tüzümi we irqi qirghinchiliq siyasiti seweblik yillardin buyan baliliridin xewer alalmaywatqan Uyghur anilar awazini dunyagha anglitish üchün 8-mart küni istanbuldin enqerege qarap yolgha chiqqanidi.

18-Chésila enqerege yitip kelgen Uyghur anilar balilirining iz-dérikini qilish yolida bir qatar pa'aliyetlirini élip barmaqta.

27-Mart küni xitay hökümitining tosqunluqi seweblik baliliri heqqide uchurgha érishelmey kelgen anilar enqere ulus meydanida axbarat élan qilish pa'aliyiti élip bardi. Pa'aliyetke köp sanda yerlik axbarat wasitiliri we türkiyede turushluq chet'ellik muxbirlar qatnashti.

Anilar axbarat wasitilirining ziyaritini qobul qilip baliliri üchün küresh qilishtin toxtap qalmaydighanliqini, baliliri bilen qaytidin jem bolghuche adalet telep qilishtin waz kechmeydighanliqini bildürüshti.

Pa'aliyetke qatnashqan anilardin sudunnisa ablitip we meryem xanim xanim ziyaritimizni qobul qilip pa'aliyet heqqide tepsiliy toxtaldi.

25-Mart küni, baliliri heqqide xewer alalmaywatqan Uyghur anilar xitay elchixanisigha bérip türkiyege ziyaretke kelgen xitay tashqi ishlar ministiri wang yi bilen körüshüshni telep qilghan. Anilar 25-mart küni xitayning enqerediki bash elchixanisining aldigha bérip iltimaslirini tapshurushqa térishqan bolsimu elchixana teripidin qobul qilinmighan we xewpsizlik xadimlirining tosqunluqi seweblik elchixanigha yéqinlishishi imkaniyiti bolmighan.

27-Mart élip bérilghan axbarat élan qilish yighinida Uyghur anilar xitay tashqi ishlar ministiri wang yi bilen körüshüsh telipini tekrar otturigha qoyghan bolup, xitay hökümiti bügün'giche lagér qurbanliri yéqinliri we wasitilik ziyankeshlikke uchrighan kishilerning körüshüsh we di'alog qurush teklipini ret qilip kelmekte.

Meryem xanim ziyaritimiz jeryanida, xitay tashqi ishlar ministiri bilen körüshüsh teklipining qobul qilinmighanliqi toghrisida toxtilip ötti.

Anilar axbarat élan qilish yighinida xitay hökümitidin balilirini derhal qoyup bérishni telep qilish bilen birlikte, türkiyeni we türk xelqini zulumgha süküt qilmasliqqa chaqirdi.

18-Mart istanbuldin piyade yolgha chiqip enqerege yétip kelgen anilar istanbulda bir qatar pa'aliyetlerni ötküzgen bolup, 22-chésila birleshken döletler teshkilati köchmenler shöbisining aldida axbarat élan qilish pa'aliyiti ötküzgen idi. Anilar yene türkiyege ziyaretke kelgen xitay tashqi ishlar ministiri bilen körüshüshni telep qélip 25-chésila xitay elchixanisining aldigha kelgen bolsimu, saqchilar teripidin tosuwélin'ghan we elchixana teripidin qobul qilmighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet