بىريۇسسېلدا 5-فېۋرال غۇلجا قىرغىنچىلىقىنى خاتىرىلەش نامايىشى ئېلىپ بېرىلدى
2025.02.10
غۇلجا قىرغىنچىلىقى ۋە ئۇيغۇر ئىرقىي قىرغىنچىلىقىنى تونۇشتۇرۇش ئۈچۈن ئۆتكۈزۈلگەن نامايىشتا د ئۇ ق ئىچكى ئىشلار كومىتېتى مۇدىرى ئەكبەر تۇرسۇن مۇخبىرنىڭ زىيارىتىنى قوبۇل قىلماقتا. 2025-يىلى 8-فېۋرال، بىريۇسسېل.
RFA/Hebibulla Izchi
1997-يىلى 5-فېۋرال كۈنى يۈز بەرگەن غۇلجا ياشلىرىنىڭ نارازىلىق نامايىشىنىڭ خىتاي قوراللىق كۈچلىرى تەرىپىدىن باستۇرۇلغانلىقىنىڭ 28-يىللىقىنى خاتىرىلەش ۋە ھازىر داۋاملىشىۋاتقان ئۇيغۇر ئىرقىي قىرغىنچىلىقىنى تونۇشتۇرۇش مەقسەت قىلىنغان نامايىش 8-فېۋرال، بېلگىيە پايتەختى بىريۇسسېلنىڭ شەھەر مەركىزىدە ئېلىپ بېرىلغان.
نامايىش جەريانىدا بېلگىيە ئۇيغۇر جەمئىيىتى يەنە خىتاي قوراللىق كۈچلىرى ۋە ساقچىلىرىنىڭ 5-فېۋرال كۈنىدىكى باستۇرۇشى، تۇتقۇن قىلىشىنى ئىپادىلەيدىغان تۈرلۈك سۈرەتلەرنى ۋە پىلاكاتلارنى تىزغان بولۇپ، نامايىش مەيدانىغا تىزىلغان بۇ سۈرەتلەرنى كۆرگەن ساياھەتچىلەر ۋە بېلگىيەلىكلەر نامايىشچىلاردىن سوئاللارنى سوراشقان. دۇنيا ئۇيغۇر قۇرۇلتىيى ئىچكى ئىشلار كومىتېتى مۇدىرى ۋە بېلگىيە ئۇيغۇر جەمئىيىتى رەئىسى ئەكبەر تۇرسۇن بۇ نامايىش ھەققىدىكى تەپسىلاتلارنى ئورتاقلاشتى.
نامايىشچىلار يەنە تەشۋىقات ماتېرىياللىرى تارقىتىشقان. بۇ قېتىمقى نامايىشقا بېلگىيە پايتەختى بىريۇسسېل ۋە ئۇنىڭ ئەتراپىدا ياشايدىغان ئۇيغۇرلار قاتناشقان بولۇپ، بېلگىيە ئۇيغۇر جەمئىيىتىدىن غەيرەت ئەپەندىمۇ بۇ نامايىش ھەققىدە قىسقىچە ئۆزىنىڭ ھېسسىياتىنى ئورتاقلاشتى.
نامايىشچىلار: «ئۇيغۇرلارغا ئەركىنلىك»، «ياشىسۇن مۇستەقىللىق»، «خىتاي شەرقىي تۈركىستاندىن يوقال»، «شەرقىي تۈركىستانغا ھۆرىيەت» دېگەندەك شوئارلارنى توۋلاشقان. بەزى ساياھەتچىلەر ۋە يەرلىكلەر ئۇيغۇر ئىرقىي قىرغىنچىلىقىنىڭ يېقىنقى زاماندىكى ئەڭ پاجىئەلىك بىر نامايەندىسى بولغان غۇلجا قىرغىنچىلىقى ھەققىدە ۋە ئۇيغۇرلارنىڭ نۆۋەتتىكى ئەھۋالى ھەققىدە خەۋەرلەردىن كۆرگەن-بىلگەنلىرىنى بىر-بىرىگە چۈشەندۈرۈپ نامايىشچىلارنىڭ يېنىدا نامايىش تۈگىگىچە بىرگە تۇرۇپ مەدەت بېرىشكەن.
كۆپ كۆرۈلگەن خەۋەرلەر
RFA
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- خىتايغا قايتۇرۇلغان ئۇيغۇرلارنى «يوقلاش» قا ماڭغان تايلاند ۋەكىللەر ئۆمىكى ئاگاھلاندۇرۇلدى
- مۇتەخەسسىسلەر:«خىتايغا خۇشخەۋەر بولغان ئىشلار ئۇيغۇرلار ئۈچۈن شۇم خەۋەردۇر»
- «شىنجاڭ ۋەكىللىرى» «دۆلەت ئورتاق تىل-يېزىقى قانۇنى» غا ئۆزگەرتىش كىرگۈزمەكچى
- ئاقسۇدا روزىدارلارنىڭ روزىسىنى بۇزۇش ياكى روزا تۇتۇشقا ئىمكان قويماسلىق ئۈچۈن ئاھالىلەر مەجبۇرىي ئەمگەككە سېلىنغان
كۆپ كۆرۈلگەن خەۋەرلەر
تەپسىلىي خەۋەر
- تۇرغۇنجان ئالاۋۇدۇن ب د ت دا ئۇيغۇر ئىرقىي قىرغىنچىلىقى ۋە خىتاينىڭ دىنىي باستۇرۇشلىرىنى ئەرەب تىلىدا ئوتتۇرىغا قويدى
- ئامېرىكا ھۆكۈمىتى ۋە ياۋروپا پارلامېنتىنىڭ ھەرىكىتى تايلاندنىڭ قېلىپ قالغان ئۇيغۇرلارنى قايتۇرۇشىنى توختىتىپ قالالامدۇ؟
- خۇ پىڭ: « ‹غەربىي رايون پىلانى› كۆچمەنلەرنى كۆپلەپ يۆتكەپ، ئۇيغۇرلارنى ئاز سانلىققا چۈشۈرۈشتۇر»
- كۆزەتكۈچىلەر: «خىتاينىڭ ئۇيغۇر ئېلىدىكى ئىسلاھات پىلانى ئۇيغۇرلارنى ئەمەس، بەلكى خىتاينىڭ ئۆزىنى باي قىلىدۇ»
- تۈركىيە سوت مەھكىمىسىنىڭ ئىككى ئۇيغۇرنى خىتايغا قايتۇرۇش قارارى ھەققىدە ئىنكاسلار بىلدۈرۈلدى