Голландийәдики уйғурлар түрк қериндашлириға иптарлиқ бәрди

Ихтиярий мухбиримиз пидаий
2015-07-10
Share
gollandiyediki-uyghur-jamaiti-qiyamunleyli-de-2015.jpg Голландийәдики уйғур җамаити қиям намизида
RFA/Pidaiy


Голландийәдики уйғурлар 2015 - йили 4 - июл иптардин 5 - июл соһурғичә елип берилған паалийәттә, голландийәдики түрк, ноғай вә босналиқ мусулман қериндашларға иптарлиқ зияпити бәрди.

Паалийәткә голландийәдики "миллий гөрүш" тәшкилатиниң шәрқ вә ғәрб мәсуллири, ноғай түрклири вә босналиқ мухлислар қатнашти. Иптардин илгири өз - ара тонушуш, қериндашлиқни күчәйтиш вә рамизанлиқ пәзиләтләрдин бәһримән болушниң һекмәтлиридин тәвсийиләр аңлитилди.

Голландийәдики уйғур җамаити сухурлуқ үчүн ғизаланмақта
Голландийәдики уйғур җамаити сухурлуқ үчүн ғизаланмақта

Паалийәттә, "миллий гөрүш" тәшкилатиниң мәсуллири сөз қилип, уйғурларниң голландийәдә тәлим - тәрбийә ишлири үчүн муқим бир йәр тутуп, әвладлирини өз миллий күлтиридә тәрбийиләшкә әһмийәт бәргәнликини махтиди вә мәзкур орунниң сетивелиниш ишлирида қолидин келидиғанлики ярдәмлирини айимайдиғанлиқини билдүрди.

"қуран кәрим" тилавити, илаһий нахшилар, халис дуалар, намаз вә вәз - нәсиһәтләр билән пүтүн кечини мәнилик өткүзгән уйғурлар өзлириниң һес - туйғулирини радио аңлиғучилиримиз билән ортақлашти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт