Amérika prézidénti obama xitayning nöwettiki din siyasitini tenqid qilghanda Uyghurlarni tilgha aldi

Amérika prézidénti obama xitayning nöwettiki din siyasitini tenqid qilghanda Uyghurlarni tilgha alghan. 2014-Yili 6-féwral.

Bügün seher, yeni 6-féwral küni amérika prézidénti barak obama tilawetchiler üchün washin'gtonda ötküzülgen döletlik nashtiliq ziyapitide söz qilip Uyghurlarni alahide tilgha aldi.

Barak obama sözide xitay, iran we shimaliy koréye qatarliq diktator ellerning din siyasiti we bu ellerdiki az sanliq milletlerning diniy jehette duch kéliwatqan bésimliri üstide mexsus toxtalghan. U dunya miqyasida étiqad erkinlikini ilgiri sürüshning amérikining tashqi siyasitidiki tüp nishani ikenlikini tekitligen.

Obama nutqida béyjing da'irilirini öz téritoriyesidiki her millet xelqining étiqad erkinlikige yol qoyushqa chaqirghan.

U munularni tekitligen: “Tarix shuni körsettiki, öz xelqining hoquqigha, bolupmu diniy erkinlikige hörmet qilghan döletlerning tereqqiyat yoli tinch we muweppeqiyetlik bolup keldi. Xelqning bu muqeddes hoquqlirini depsende qilghan döletler öz qoli bilen muqimsizliq we zorawanliqning uruqini téridi. Shundaq déyeleymizki, diniy erkinlik emeliyette dölet bixeterlikimizning tüp asasidur.”

Obama 3500 kishi qedem teshrip qilghan chong zalda xitayning diniy bésim siyasitini eyibligende mundaq dégen: “Men xitayning iqtisadiy tereqqiyatidiki yoshurun küchini dawamliq saqlap qélishining emeliyette uning öz téritoriyesidki xelqlerning négizlik hoquqigha hörmet qilishigha baghliq ikenlikini tekitlep keldim. Bu yene öz nöwitide xitaydiki xristi'an muritliri, tibetler we Uyghur musulmanlirining hoquqlirinimu öz ichige alidu”

Amérika prézidénti obamaning xitay mesiliside Uyghurlarni alahide tilgha élishi közetküchilerning diqqitini chekken. Bu munasiwet bilen dunya Uyghur qurultiyining re'isi rabiye xanim radi'omiz ziyaritini qobul qildi we pikir bayan qildi.

Tepsilatini awaz ulinishtin anglighaysiz.