Д у қ рәһбәрлири америка дөләт мудапиә министирлиқиниң юқири дәриҗилик әмәлдари билән көрүшти

Мухбиримиз сада
2019-05-31
Елхәт
Пикир
Share
Принт
Америка дөләт мудапиә министирлиқиниң асия-тинч окян ишлириға мәсул ярдәмчи министири рандал шрайвер (Randall Schriver).
Америка дөләт мудапиә министирлиқиниң асия-тинч окян ишлириға мәсул ярдәмчи министири рандал шрайвер (Randall Schriver).
C-SPAN.ORG

31-Май күни дуня уйғур қурултийиниң рәиси долқун әйса вә уйғур кишилик һоқуқ қурулушиниң директори өмәр қанат әпәндиләр америка дөләт мудапиә министирлиқиниң асия-тинч окян ишлириға мәсул ярдәмчи министири рандал шрайвер (Randall Schriver) билән көрүшти.

Бу қетимлиқ көрүшүштә долқун әйса вә өмәр қанат әпәнди уйғур дияридики уйғур тутқунларниң саниниң үч милйондин ешип кәткәнлики, уларниң түркүмләп хитайниң ичкири өлкилиригә йөткиливатқанлиқи хитайниң җаза лагерлириға америка һөкүмити вә башқа қошна дөләтләрниң тәдбир қоллиниши лазимлиқини оттуриға қойған. Униңдин башқа йәнә дуняниң һәрқайси җайлиридики дөләтсиз әһвал астида туруватқан уйғур аяллири вә балилириға чиқиш йоли бериш һәққидики тәләплирини ейтқан. 

Долқун әйса вә өмәр қанат әпәнди бу қетимлиқ көрүшүштә йәнә хитай һөкүмитиниң чәтәлләрдә оқуватқан уйғур оқуғучиларниң ата-аниси вә уруқ-туғқанлирини гөрүгә елиш усули арқилиқ, уларни өзлиригә җасуслуқ қилишқа зорлаватқанлиқ мәсилисиниму алаһидә тилға алған. 

Долқун әйса әпәндиниң билдүрүшичә, рәндий шрайвер юқириқи мәсилиләргә қарита пикир билдүрүп, америка һөкүмитиниң нөвәттә уйғурлар мәсилисигә җиддий диққәт қиливатқанлиқини ейтқан. 

Бу һәқтики тәпсилий сөһбәтни юқириқи авазлиқ улиништин аңлайсиләр.

Пикирләр (0)
Share
Толуқ бәт