D u q rehberliri amérika dölet mudapi'e ministirliqining yuqiri derijilik emeldari bilen körüshti

Muxbirimiz sada
2019-05-31
Share
Randall-Schriver.jpg Amérika dölet mudapi'e ministirliqining asiya-tinch okyan ishlirigha mes'ul yardemchi ministiri randal shraywér (Randall Schriver).
C-SPAN.ORG

31-May küni dunya Uyghur qurultiyining re'isi dolqun eysa we Uyghur kishilik hoquq qurulushining diréktori ömer qanat ependiler amérika dölet mudapi'e ministirliqining asiya-tinch okyan ishlirigha mes'ul yardemchi ministiri randal shraywér (Randall Schriver) bilen körüshti.

Bu qétimliq körüshüshte dolqun eysa we ömer qanat ependi Uyghur diyaridiki Uyghur tutqunlarning sanining üch milyondin éship ketkenliki, ularning türkümlep xitayning ichkiri ölkilirige yötkiliwatqanliqi xitayning jaza lagérlirigha amérika hökümiti we bashqa qoshna döletlerning tedbir qollinishi lazimliqini otturigha qoyghan. Uningdin bashqa yene dunyaning herqaysi jayliridiki döletsiz ehwal astida turuwatqan Uyghur ayalliri we balilirigha chiqish yoli bérish heqqidiki teleplirini éytqan. 

Dolqun eysa we ömer qanat ependi bu qétimliq körüshüshte yene xitay hökümitining chet'ellerde oquwatqan Uyghur oqughuchilarning ata-anisi we uruq-tughqanlirini görüge élish usuli arqiliq, ularni özlirige jasusluq qilishqa zorlawatqanliq mesilisinimu alahide tilgha alghan. 

Dolqun eysa ependining bildürüshiche, rendiy shraywér yuqiriqi mesililerge qarita pikir bildürüp, amérika hökümitining nöwette Uyghurlar mesilisige jiddiy diqqet qiliwatqanliqini éytqan. 

Bu heqtiki tepsiliy söhbetni yuqiriqi awazliq ulinishtin anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet