Д у қ 7-нөвәтлик иҗраийә йиғинида йеңи қарарларни мақуллиди

Ихтиярий мухбиримиз әркин тарим
2021.09.06
Share on WhatsApp
Share on WhatsApp
Д у қ 7-нөвәтлик иҗраийә йиғинида йеңи қарарларни мақуллиди Дуня уйғур қурултийиниң торда өткүзүлгән 7-нөвәтлик иҗраийә комитети йиғини. 2021-Йили 5-сентәбир.
RFA/Erkin Tarim

5-Сентәбир күни дуня уйғур қурултийи 7-нөвәтлик иҗраийә комитети йиғини өткүзүп, д у қ ниң қурулмиси билән рәһбәрлик һәйитидә бәзи ислаһатлар елип берилған йеңи қарарни қобул қилди. Корона вируси түпәйлидин син көрүнүш арқилиқ чақирилған бу йиғинға америка, канада, японийә, австралийә, түркийә, қазақистан, қирғизистан, әнглийә, шветсийә, шветсиарийә, норвегийә, голландийә, германийә қатарлиқ 10 дин артуқ дөләттин 30 нәпәр иҗраийә һәйәт әзаси қатнашти. 5-Сентәбир күни берлин вақти чүштин кейин 3тә башланған йиғинға д у қ ниң муавин рәиси пәрһат муһәммиди әпәнди риясәтчилик қилди. Йиғинда алди билән д у қ рәиси долқун әйса әпәнди сөз қилип, 7-нөвәтлик вәкилләр қурултийиниң тәйярлиқ хизмәтлири тоғрисида қисқичә мәлумат бәргәндин кейин, д у қ ниң қурулмисида вә рәһбәрлик қатлимида бәзи ислаһатларни елип бериштики мәқсәт вә бундин кейин қилишқа тегишлик җиддий хизмәтләр тоғрисида мәлумат бәрди.

Дуня уйғур қурултийиниң рәиси долқун әйса әпәнди йиғин ахирлашқандин кейин зияритимизни қобул қилип, д у қ ниң 6-нөвәтлик вәкилләр қурултийида өзи рәисликкә сайланғандин кейинки 4 йил җәрянида уйғурларниң еғир вәзийити, дуня вәзийитиниң еһтияҗи вә д у қ хизмәтлириниң еһтияҗи түпәйлидин дуня уйғур қурултийиниң қурулмисида, рәһбәрлик қатлимида бәзи ислаһатларни елип бармиса болмайдиғанлиқини һес қилип, бу ислаһатни елип барғанлиқини баян қилди.

5-Сентәбир күни тор арқилиқ өткүзүлгән д у қ 7-нөвәтлик иҗраийә йиғинида қайси йеңи қарарлар мақулланди? бу һәқтә тәпсилий мәлумат игиләш үчүн д у қ иҗраийә комитетиниң муавин рәиси сәмәт абла әпәнди билән телефон сөһбити елип бардуқ. У, алди билән бу йиғинда музакирә қилинған мәсилиләр вә мақулланған қарарлар тоғрисида мәлумат бәрди.

Д у қ низамнамисидә көрситилишичә, 3 йилда бир қетим қурултай чақирип, сайлам елип берилидиған болуп, буниңға асасән өткән йил 11-айда қурултай чақирилиши керәк иди. Иҗраийә комитетиниң 6-нөвәтлик йиғинида бу һәқтиму алаһидә музакирә елип берилип, бу йил 11-айниң 12-күнидин 14-күнигичә чехийәниң пирага шәһиридә өткүзүшни қарар қилғаниди. Мәзкур қарардин кейин д у қ ниң алий рәһбәрлири арқа-арқидин йиғин чақирип, д у қ та бәзи ислаһатларни елип бериш арқилиқ рәһбәрлик һәйитидә бәзи өзгиришләрни елип бериш вә йеңи комитетларни қуруп чиқиш тоғрисида пикир бирлики һасил қилған. Д у қ иҗраийә комитетиниң муавин рәиси сәмәт абла әпәнди елип берилған ислаһат тоғрилиқ мәлумат бәрди.

Игилишимизчә, д у қ 7-нөвәтлик иҗраийә комитети йиғинида “сайлам комитети” ниң һазирдин башлап д у қ ниң һәр қайси рәһбәрлик органлириға өзини намзатлиққа көрситидиған кишиләрниң илтимасини қобул қилса болидиғанлиқини җакарлиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.