Д у қ ниң уйғур яшлирини тәрбийәләш курси түркийәниң бурса шәһридә ахирлашти

Ихтиярий мухбиримиз әркин тарим
2022-03-28
Share
Д у қ ниң уйғур яшлирини тәрбийәләш курси түркийәниң бурса шәһридә ахирлашти Д у қ уюштурған 2022-йиллиқ уйғур яшлирини тәрбийиләш курсиниң йепилиш мурасимидин көрүнүш. 2022-Йили 27-март, бурса, түркийә.
Photo: RFA

Д у қ уюштурған 2022-йиллиқ уйғур яшлирини тәрбийәләш курси 27-март күни түркийәниң бурса шәһридә ахирлашти.

25-Марттин 27-мартқичә бурсадики рамада меһманханисида өткүзүлгән бу курста германийә, әнгилийә вә түркийәдин тәклип қилинған мутәхәссисләр “дуня уйғур қурултийиниң қурулуши вә униң уйғур дәвасидики роли”, “шәрқий түркистанниң мустәмликә қилиниши вә униң һазирқи қирғинчилиқтики роли”, “хәлқаралиқ тәшәббус үчүн истиратегийә чүшәнчисини тәрәққий қилдуруш”, “қандақ қилип үнүмлүк һалда тәшкилатларни сәпәрвәр қилиш: йәһуди тәшкилатлириниң тарихи” дегәндәк темиларда доклат бәргән. Арқидин мәзкур курсқа иштирак қилған оқуғучилар билән мәзкур темилар бойичә музакирә елип берилған. Курсниң ахирқи күни гуруппилар бойичә музакирә өткүзүлүп, музакирә нәтиҗилири оттуриға қоюлған.

Биз мәзкур курс тоғрисида тәпсилий көз қаришини игиләш үчүн д у қ яшларни тәрбийәләш курсиға риясәтчилик қиливатқан д у қ яшлар комитетиниң мудири әркин зунун, д у қ яшлар комитетиниң әзаси абдуқадир абдукерим вә курсқа иштирак қилған бир қисим уйғур оқуғучилар билән сөһбәт елип бардуқ.

Д у қ уюштурған 2022-йиллиқ уйғур яшлирини тәрбийиләш курсиниң йепилиш мурасимидин курсантлар хатирә сүрәттә. 2022-Йили 27-март, бурса, түркийә.
Д у қ уюштурған 2022-йиллиқ уйғур яшлирини тәрбийиләш курсиниң йепилиш мурасимидин курсантлар хатирә сүрәттә. 2022-Йили 27-март, бурса, түркийә.
RFA/Erkin Tarim

Әркин зунун әпәнди, д у қ вә бурса шәһири османғази районлуқ һөкүмәтниң қоллиши билән өткүзүлгән мәзкур курсниң мувәппәқийәтлик өткүзүлгәнликини баян қилип, мундақ деди: “уйғур яшлирини тәрбийәләш курсиға 43 нәпәр уйғур яш қатнашти. Бу яшларниң көпи түркийәниң һәр қайси шәһәрлиридин кәлгән болуп, уларниң арисида явропа вә оттура асядики түркий җумһурийәтлиридин кәлгән яшларму бар. Бу дуня уйғур қурултийиниң түркийәдә чақирған иккинчи қетимлиқ курси болуп, дәвайимиз үчүн хәйирлик болушини тиләймән.”

Д у қ аяллар комитетиниң рәиси зумрәтай әркин ханим, бу қетимқи курсниң асаслиқ нишаниниң қандақ қилғанда уйғур яшлириниң иқтидарини юқири көтүргили болиду, қандақ илғанда дәвани маһирлиқ билән елип барғили болиду, дегән темиларға мәркәзләшкәнлики баян қилди

Зумрәтай әркин ханим, мәзкур курста әнгилийәдин кәлгән мутәхәссисләр өзлириниң сиясий дәвани аңлитиштики тәҗрибилири тоғрисида мәлумат бәргәнликини баян қилди.

Бурса улудағ университетиниң оқуғучиси, д у қ яшлар комитетиниң әзаси абдуқадир абдукерим әпәнди, бу қетимқи курсниң 25-март чақирилған ечилиш мурасимиға бурса османғази районлуқ һөкүмәтниң башлиқлири вә парламент әзалириниң қатнашқанлиқини, уларниң баштин-ахир бу паалийәтни қоллиғанлиқини баян қилди.

Д у қ уюштурған 2022-йиллиқ уйғур яшлирини тәрбийиләш курсиниң йепилиш мурасимидин д у қ рәһбәрлири вә мурасимға қатнашқан түрк рәһбәрләр хатирә сүрәттә. 2022-Йили 27-март, бурса, түркийә.
Д у қ уюштурған 2022-йиллиқ уйғур яшлирини тәрбийиләш курсиниң йепилиш мурасимидин д у қ рәһбәрлири вә мурасимға қатнашқан түрк рәһбәрләр хатирә сүрәттә. 2022-Йили 27-март, бурса, түркийә.
RFA/Erkin Tarim

Курсқа қатнашқан уйғур паалийәтчи яш җәвлан ширмәмәт әпәнди, мәзкур курс җәрянида уйғур дәвасини қандақ усулда елип беришниң йоллирини өгәнгәнликини баян қилди.

Яш паалийәтчи меһриай бу қетимлиқ курсниң өзи үчүн зор пайдиси болғанлиқини оттуриға қойди.

Дуня уйғур қурултийи уйғур яшлирини тәрбийәләш курсиниң тунҗи қетимлиқи 2018-йили 13-июлдин 15-июлғичә истанбул рамада меһманханисида өткүзүлгән иди. Мәзкур курс бурун америка, германийә, шиветсийә, шветсарийә, белгийә, норвегийә, голландийә, канада қатарлиқ дөләтләрдә уюштурулған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт