Билгийә вә голландийәдә “ғулҗа қирғинчилиқи” ниң 25 йиллиқини хатириләш, бейҗиң олимпикигә наразилиқ билдүрүш намайиши өткүзүлди

Ихтиярий мухбиримиз уйғурай
2022.02.07
Билгийә вә голландийәдә “ғулҗа қирғинчилиқи” ниң 25 йиллиқини хатириләш, бейҗиң олимпикигә наразилиқ билдүрүш намайиши өткүзүлди 1997-Йилидики “5-феврал ғулҗа қирғинчилиқи” ниң 25 йиллиқини хатириләш вә бейҗиң қишлиқ олимпикигә наразилиқ билдүрүп өткүзүлгән намайишидин көрүнүш. 2022-Йили 5-феврал, белгийә.
RFA/Uyghur'ay

2-Айниң 5-күни белгийәниң антиверпин шәһридә билән 1997-йилидики “5-феврал ғулҗа қирғинчилиқи” ниң 25 йиллиқини хатириләш вә бейҗиң қишлиқ олимпикигә наразилиқ билдүрүш намайиши өткүзүлгән. Намайиш белгийә уйғур җәмийитиниң орунлаштуруши билән өткүзүлгән.

Намайишчилар буниңдин 25 йил бурун ғулҗа шәһиридә өткүзүлгән уйғур яшлириниң тинч усулдики намайишиниң қанлиқ рәвиштә бастурулғанлиқи, намайиштин кейин миңлиған яшларниң хитай сақчилири тәрипидин тутқун қилинғанлиқи, бәзилириниң шу қетимлиқ тутқунда из-дерәксиз йоқ қиливетилгәнликини баян қилип өткән. Шуниң билән бир вақитта намайишчилар йәнә бейҗиңда өткүзүливатқан қишлиқ олимпик мусабиқисигә наразилиқ билдүргән. Улар авам җамаәтни бу қетимлиқ бейҗиң қишлиқ олимпикини көрмәсликкә, хитайниң уйғурларға елип бериватқан ирқий қирғинчилиқиға наразилиқ билдүрүшкә чақирған.

1997-Йилидики “5-феврал ғулҗа қирғинчилиқи” ниң 25 йиллиқини хатириләш вә бейҗиң қишлиқ олимпикигә наразилиқ билдүрүп өткүзүлгән намайишидин көрүнүш. 2022-Йили 5-феврал, белгийә.

Намайиш шу күни чүштин кийин өткүзүлгән болуп, намайишқа уйғурлардин башқа белгийәликләр, һәрқайсий ахбарат вастилириниң мухбирлириму қатнашқан.

Радийойимиз зияритини қобул қилған белгийә уйғур җәмийитиниң вәкили әкбәр турсун әпәнди намайишниң наһайити җанлиқ вә тәсирлик өткәнликини, йәрлик амминиң вә телевизийә қаналлириниң диққитини тартқанлиқини билдүрди.

1997-Йилидики “5-феврал ғулҗа қирғинчилиқи” ниң 25 йиллиқини хатириләш вә бейҗиң қишлиқ олимпикигә наразилиқ билдүрүп өткүзүлгән намайишидин көрүнүш. 2022-Йили 5-феврал, голландийә.
1997-Йилидики “5-феврал ғулҗа қирғинчилиқи” ниң 25 йиллиқини хатириләш вә бейҗиң қишлиқ олимпикигә наразилиқ билдүрүп өткүзүлгән намайишидин көрүнүш. 2022-Йили 5-феврал, голландийә.

Шу күни йәнә голландийә шәрқий түркистан тәшкилатлар иттипақиниң орунлаштуруши билән голландийә пайтәхти амистердамдики дам мәйданидиму чоң типтики намайиш өткүзүлгән. Радийойимиз зияритини қобул қилған голландийә шәрқий түркистан тәшкилатлар иттипақиниң рәиси обулқасим аблиз әпәнди намайиш һәққидә тәпсилий мәлумат берип өтти.

Тәпсилатини йоқириқи аваз улинишидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.