مەن لاگېردىن قانداق ھايات قالدىم؟

مۇخبىرىمىز گۈلچېھرە
2021.01.25
Share on WhatsApp
Share on WhatsApp
مەن لاگېردىن قانداق ھايات قالدىم؟ لاگېر شاھىتى گۈلباھار خاتىۋاجى خانىم.
Gülbahar Xatiwaji teminligen

گۈلباھار خاتىۋاجى: قاماققا قامالغانغا قەدەر خىتاي ئۈچۈن ئۇيغۇرلۇقىمىزنىڭ ئۆزى يېتەرلىك جىنايەت سانىلىدىغانلىقىنى ئاڭقىرالمىغان ئىكەنمەن.

خىتاينىڭ قارىمايدىكى قاماقخانا ۋە جازا لاگېرلىرىدا قاباھەتلىك 32 ئاينى ئۆتكۈزۈپ، 2019-يىلى ئاۋغۇستتا فىرانسىيەدىكى ئائىلىسى بىلەن جەم بولغان لاگېر شاھىتى گۈلباھار خاتىۋاجى خانىم بىلەن «مەن لاگېردىن قانداق ھايات چىقتىم» تېمىسىدا ئۆتكۈزگەن، يۈرۈشلۈك سۆھبىتىمىزنىڭ 2-سانىنى دىققىتىڭلارغا سۇنماقچىمىز.

گۈلباھار خانىم ئۆزىنىڭ پېنسىيە رەسمىيەتلىرىنى ئۆتەش ئۈچۈن، 2016-يىل ئاخىرىدا قارىمايغا چاقىرتىلغىنىدا، بۇنىڭ بىر قىلتاق ئىكەنلىكىنى ئويلىمىغان، ھەتتا ئۇ پۇت-قوللىرى ئىشكەللىنىپ «ئادەم توپلاپ جەمئىيەت ئامانلىقىنى بۇزۇش» جىنايىتى بىلەن قولغا ئېلىنغاندىمۇ، ھاياتىنىڭ خەۋپ ئاستىدا ئىكەنلىكىنى ئاڭقىرالمىغان. پەقەت ئادۋوكات تۇتۇش ھوقۇقى رەت قىلىنىپ، قاماقخانىدا ئۆزىگە ئوخشاش بىگۇناھ ئىنسانلارنى كۆرگەندىلا، ئاندىن ئۇيغۇر بولۇشنىڭ ئۆزى خىتاي ئۈچۈن يېتەرلىك جىنايەت ئىكەنلىكىنى چۈشۈرۈپ يەتكەنىكەن. گۈلباھار خانىم بۇ سۆھبىتىمىزدە، ئۇيغۇرلارنى سىياسىي بىخۇدلۇقتىن ئەمدى بولسىمۇ ئويغىنىشنى، خىتاي دائىرىلىرىنىڭ بۇندىن كېيىنكى ئويۇنلىرىغا سەگەك بولۇشنى تەۋسىيە قىلدى.

يۇقىرىدىكى ئاۋاز ئۇلىنىشىدىن مۇخبىرىمىزنىڭ گۈلباھار خاتىۋاجى خانىم بىلەن ئۆتكۈزگەن سۆھبىتىنى ئاڭلىغايسىلەر.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.