Канада парламент әзалири канада һөкүмитидин хитайниң уйғурларға қаратқан зиянкәшликлирини ирқий қирғинчилиқ дәп елан қилишни тәләп қилған

Мухбиримиз мәмәтҗан җүмә
2021-03-14
Share
Канада парламент әзалири канада һөкүмитидин хитайниң уйғурларға қаратқан зиянкәшликлирини ирқий қирғинчилиқ дәп елан қилишни тәләп қилған Канада парламенти хитайниң уйғурларға қаратқан зулумлирини "ирқий қирғинчилиқ" дәп бекитти. 2021-Йили 22-феврал.
Photo: RFA

Канада парламент әзалири бир йеңи доклат тәйярлап, канада һөкүмитидин хитайниң уйғурларға қаратқан зиянкәшликлирини ирқий қирғинчилиқ дәп елан қилишни тәләп қилған.

"торонто юлтузи" гезитиниң хәвәр қилишичә, 12-март канада парламенти ташқи ишлар даимий комитети вә хәлқара тәрәққият комитети тәрипидин тәйярланған доклатта, канаданиң хитайға бесим ишлитидиған хәлқаралиқ һәмкарлиқ шәкилләндүрүп, мустәқил көзәткүчиләрниң уйғур райониға кирип тәкшүрүш елип беришини қолға кәлтүрүши тәвсийә қилинған.

Доклатта уйғур елидики зиянкәшликләргә алақидар хитай әмәлдарлириға ​​магнетиский қануни бойичә җаза бериш, хитай канададики уйғурларға қаратқан паракәндичиликләрни тәкшүрүш вә тәһдиткә учриған уйғур вә башқа түрк мусулманлириниң канадаға тезрәк киришигә ярдәм бериш қатарлиқ 15 тәвсийә оттуриға қоюлған.

Бу доклат өткән йили язда хәлқара кишилик һоқуққа мәсул ташқи ишлар тармақ комитетиға берилгән гуваһлиққа асасән тәйярланған. Өктәбирдә тармақ комитети тәкшүрүш нәтиҗисини елан қилип, уйғур елидә ирқий қирғинчилиқ йүз бәргәнликини җакарлиған.

Униңдин башқа канада парламенти бу йил 22-феврал ортақ аваз билән хитайниң уйғурларға қаратқан зиянкәшликлирини ирқий қирғинчилиқ, дәп етирап қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт