Qanun meslihetchisi jewlan shirmemet: "Sükütümni buzdum, awazimning yétishiche xitay zulumini ashkarilaymen"

Muxbirimiz shöhret hoshur
2020-01-23
Élxet
Pikir
Share
Print
Jewlan shirmemet apisi süriye tursun bilen birge.
Jewlan shirmemet apisi süriye tursun bilen birge.
Photo: RFA

2011‏-Yili 18 yash waqtida türkiyege oqushqa kelgen jewlan shirmemet oqushini ela netije bilen püttürgendin kéyin, bir tereptin qanun meslihetchilik xizmiti bilen shughullansa, yene bir tereptin mashina tijariti bilen shughullan'ghan. Bu jeryanda Uyghur rayonida bolup ötken bir qatar siyasiy weqeler uni bi'aram qilghan we azablighan bolsimu, emma ata-ansining bixeterlikini közde tutup, wetini we milliti üchün ilim we iqtisadiy sahesdiki netijiliri bilenla xizmet qilish qararini bergen. U türkiyediki 8 yilliq hayatida xitaygha qarshi herketlerdin bashtin-axir uzaq turghan. Emma bu uzaq turush uning apisini 5 yil késilishtin, dadisini lagérda késel bolush qismitidin saqlap qalalmighan. Buning bilen u 2020-yili kirishi bilen özining hayat yolida yéngidin bir nishan, yéngidin bir sehipe échishqa qarar bergen hem herketke ötken.

Hörmetlik radiyo anglighuchilar, Uyghur rayonida 2017‏-yilidin buyanqi lagérlar mesilisi chet'elde yillardin béri ilmiy we tijariy sahedila izdinip kéliwatqan bir türküm kishilerning hayatigha zor özgirishlerni élip keldi. Ilgiri muhajirettiki aspirant oqughuchilardin meryem sultan, tahir mutellip qahiri hemde tijaretchi guljamal xanim qatarliq kishiler a'ile tawabi'atliri xitayning ziyankeshlikige uchrighandin kéyin muhajirettiki Uyghurlarning xitaygha qarshi siyasiy, ammiwiy pa'aliyetlirige aktipliq bilen atlan'ghan zor bir türküm Uyghur muhajirlardin birqanche misaldur.


Tepsilatini yoqiriqi awaz ulinishidin anglighaysiz.

Toluq bet