Nurmemet musabay: "12-Dékabir Uyghur oqughuchilar herikiti" yashliq xatiremdiki eng yarqin eslime

Muxbirimiz gülchéhre
2016-12-12
Share
dekabir-oqughuchilar-herikiti-namayish-4.jpg 1985-Yilidiki 12-dékabir Uyghur oqughuchilar herikitini xatirilesh pa'aliyitidin körünüshler. 2015-Yili 19-dékabir, amérika.
RFA/Qutlan

Uyghurlar buningdin 30 yillar muqeddem ürümchidiki 7 aliy bilim yurtliridiki Uyghur oqughuchilarning élip barghan "12-Dékabir Uyghur oqughuchilar herikiti" ge Uyghur hazirqi zaman tarixidiki kölimi zor, tesiri chongqur bolghan dewr bölgüch zor weqe dep baha bergen bolsa, tarixshunaslar bügün yene, 1985-yilidiki "12-Dékabir Uyghur oqughuchilar herikiti" 1980-yillardiki dunya kommunizm lagérida körülgen eng deslepki démokratik heriketlerning biri dep hésablimaqta.

12-Dékabir Uyghur oqughuchilar herikitining eyni chaghdiki yétekchiliri, bu shanliq tarixni yaratqan we shahit bolghan newqiran yashlarning beziliri hayatining teng yérimini yat, yiraq ellerde muhajirette ötküzgen, 50 yashning qarisini alghanlar qatarida. Nöwette amérkida yashawatqan nurmuhemmet musabay ependi ene shu oqughuchilar herikitining qozghilishida asasliq yétekchilik rolini oynighan, biwasite qatnashqan shundaqla eyni chaghdiki Uyghur aptonom rayonluq partkom we hökümetning eng aliy derijilik rehberliri bilen söhbet üstilige kelgen Uyghur oqughuchilar wekillirining biri idi.

Bügünkidek tarixiy bir künde muxbirimiz gülchéhrening ziyaritini qobul qilghan nurmemet musabay ependi, aridin 31 yil ötken bolsimu, eyni waqitta ürümchining zimistan soghuq qish künide, minglighan ot yürek Uyghur yashliri bilen qaldurghan 12-dékabir eslimilirining hayatidiki, yashliq xatirisidiki eng hayajanliq untulmas yarqin eslimiler ikenlikini anglatti.

Yuqiridiki awaz ulinishidin, nurmemet ependi bilen bolghan söhbitimizge ishtirak qiling.

(Dawami bar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.