Abduweli ayup: “Xitay méni ana til mektipi achting dep 15 ayliq türmige solidi”

Uyghur ziyaliysi abduweli ayup ependi bügün yeni 1-ayning 7-küni enqerede ziyaritimizni qobul qilip, xitay hökümitining özini qanunsiz meblegh toplidi dep eyiblep 15 ayliq qamaq jazasigha höküm qilghanliqini, emma, bu eyibleshlerning bir sepsete ikenlikini, esli seweb ana til yeslisi achqanliqi ikenlikini tekitlidi.

U, ana til mektipi échish pikrining özide 2005-yili tunji qétim oqush üchün türkiyege kelgen waqtida peyda bolghanliqini, 2009-yili amérikida oqush jeryanida küchlen'genlikini, 2010-yili 3-ayda ana tilda mektep échish qararigha kelgenlikini, 2011-yili 6-ayda wetinige qaytqandin kéyin buni emelge ashurush üchün heriketke ötkenlikini éytti:

Abduweli ayup ependi “Siz sotta néme dep eyiblendingiz ?” dégen so'alimizgha jawab bérip, tutush buyruqida mebleghni saxta melum qilish jinayiti dep yézilghanliqini, kéyin uninggha qanunsiz meblegh yighish jinayitini qoshup eyiblep, 15 ay qamaq jazasi bergenlikini, özining prinsip boyiche ish qilidighan adem ikenlikini, qanunsiz meblegh yighmighanliqini, esli sewebning ana til mektipi achqanliqi ikenlikini bayan qildi.

Abduwéli ayup türmidin qoyup bérilgendin kéyin türkiyege kelgen bolup, hazir enqerede turmaqta. Söhbetning tepsilatni töwendiki ulinishtin anglanglar.