Алматада уйғур елидики инсаний әркинлики үчүн шеһит болғанлар хатириләнди

Ихтиярий мухбиримиз ойған
2014-01-14
Share
almata-qazaqistan-uyghur-shehit-xatire-1.jpg Өткән йили уйғур диярида йүз бәргән қанлиқ вәқәләрдә шеһит болған қериндашлирини әсләш мурасимидин көрүнүш. 2014-Йили 10-январ, алмата.
RFA/Oyghan

10-январда алматаниң султанқорған мәһәллисидики бир кафеханида җәм болған уйғурлар өткән йили уйғур диярида йүз бәргән қанлиқ вәқәләрдә шеһит болған қериндашлирини әсләш мурасимини өткүзди.

Алди билән мәһәммәтҗан һаҗим азадлиқ вә әркинлик үчүн қурбан болғанларға атап қуран оқуғандин кейин, тонулған қазақистанлиқ сиясәтшунас қәһриман ғоҗамбәрди доклат қилди. У, өз доклатида үч мәсилә һәққидә, йәни, биринчидин, 2013-йили уйғур елида йүз бәргән қанлиқ паҗиәләр, уларниң келип чиқиш сәвәблири вә ақивәтлири, иккинчидин, мушу җәрянда рабийә қадир рәһбәрликидики дуня уйғур қурултийиниң елип бериватқан паалийәтлири, үчинчидин, бүгүнки күндә уйғур елида шәкилләнгән вәзийәткә қарита хитай даирилириниң қоллиниватқан сиясити мәсилилири тоғрисида тәпсилий тохталди.

Мәзкур паалийәткә бир мунчә қазақ зиялийлириму қатнашти. Атап ейтқанда, “қазақия” гезитидин малик исабекоф, “қазақ гезити” дин абдурашит әбубәкир оғли, җәмийәт әрбаби болат дүйсенбинофлар уйғурларниң узун тарихқа вә бай мәдәнийәткә игә хәлқләрниң бири икәнликини, буниңдин уйғур яшлириниң мәғрурлинишқа толуқ һоқуқи барлиқини, бүгүнки күндә өзлириниң уйғурларға һесдашлиқини билдүридиғанлиқини илгири сүрди. Буниңдин ташқири мурасимда турсун һаҗим арзийеф, дуня уйғурлири аяллар комитети рәисиниң оттура асия бойичә муавини асийәм турдийева вә башқилар уйғур миллий һәрикити һәққидә өз пикирлирини оттуриға қойса, шаир вә язғучилар ташгүл һезиярова, малик садироф, абдухалиқ маһмудофлар бирлик, иттипақлиқ, мустәқиллиқ һәққидә шеирлирини оқуди.

Радиомиз зияритини қобул қилған турсун һаҗим арзийеф мурасим һәққидә қарашлирини оттуриға қойди.

Тәпсилатини юқиридики аваз улинишидин аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт