Dolqun eysa italiyede muxbirlarni kütüwélish yighini ötküzdi

Ixtiyariy muxbirimiz ekrem
2017-07-28
Share
dolqun-eysa-bdt-2017-yighin.jpg D u q bash katipi dolqun eysa(ongdin üchinchi) ependi 35-nöwetlik b d t kishilik hoquq kéngishi yighinida. 2017-Yili 12-iyun, jenwe.
RFA/Ekrem

D u q bash katipi, u n p o mu'awin re'isi dolqun eysa ependi 26-iyul italiye yuqiri palatasida chaqirilghan Uyghurlarning nöwettiki weziyitidin guwahliq bérish mexsus yighinida nutuq sözleshtin 15 minut ilgiri, rimdiki digos dep atalghan alahide heriket bashqarmisi xadimliri teripidin tutup kétilip, üch yérim sa'ettin kéyin qoyup bérilgen idi. Bu weqe üch kündin buyan köpligen xelq'ara axbarat wasitiliride tarqitilip, Uyghurlar mesilisini yene bir qétim qiziq témigha aylandurdi hemde türlük ghulghulilargha seweb boldi.

Dolqun eysa ependi 28‏-iyul sa'et 11:00 da myunxén'gha qaytip keldi. U tünügün bir kün italiyede yene qandaq weqelerning bolup ötkenliki heqqide sorighan so'alimizgha jawab bergende, xitayning bésimi we qarshiliqlirining italiyede yene dawam qilghanliqini, italiye yuqiri palata mes'ullirining uning bilen körüshüshke jür'et qilalmighanliqini tilgha aldi. 
Dolqun eysa ependiler 27-iyul küni sa'et 11:00 da yuqiri palata aldida muxbirlarni kütüwélish yighini ötküzgen. Bu yighinda yuqiri palata ezasi kompagna, zorawansiz radikal partiye katipi lawra hart, u n p o xadimi lusiya parruchi qatarliqlar muxbirlargha nutuq sözlep, xitayning italiyege qeder qol sozup, Uyghur kishilik hoquq pa'aliyetchilirining heriketlirini chekleshke urun'ghanliqini qattiq eyibligen we italiye da'irilirining xitayning bésimigha tiz püküp, dolqun eysani üch sa'ettin artuq aware qilghanliqigha naraziliq bildüridighanliqini tekrar otturigha qoyghan. Bu partiye we shexsler 26-iyul dolqun eysa tutup kétilip bir sa'ettin kéyinla xelq'aragha bayanatlar élan qilip, italiye saqchi da'iriliri üstidin shikayetler qilghan idi.

Italiye yuqiri palata ezasi kompagna muxbirlargha qilghan sözide "Xitay hökümitining bu qeder jiddiyliship kétishlirini körüp, dolqun eysaning neqeder muhim bir erbab bolghanliqini we Uyghurlarning öz dewasida neqeder heqliq bolghanliqini chüshendim" dégen. 

Zorawansiz radikal partiye katipi lawra xanimmu italiye hökümitini eyiblep, dolqun eysadek tonulghan bir kishilik hoquq jengchisige soghuq qol tekküzüshning démokratik italiyening asasiy qanunigha we qimmet qarishigha qilin'ghan haqaret bolidighanliqini tekitligen. 

Italiye yuqiri palatasida 26-iyul ötküzülgen "Uyghurlarning jiddiy weziyiti" namliq guwahliq bérish yighinida söz qilmaqchi bolghan dolqun eysa tutup kétilgendin kéyin, yighin yenila dawamlashqan we dolqun eysaning otturigha qoymaqchi bolup hazirlap kelgen guwahliq doklatini u n p o xadimi lusiya xanim oqup ötken idi. 

Mezkur doklatta, nöwette yüz bériwatqan misirdiki Uyghur oqughuchilarni tutup kétish weqeliri, taylandtiki Uyghurlar mesilisi, Uyghur diyaridiki musulmanche isimlarni cheklesh, diniy pa'aliyetlerni cheklesh, Uyghur milliy medeniyitini ayaq asti qilish, barghanséri wehshiylishiwatqan assimilyatsiye siyasiti, qeshqer-gwadar porti qurulushining xeterlik aqiwetliri qatarliq keng sahelerdiki emeliy témilar asasiy mezmun qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet