Д у қ рәиси долқун әйса австралийә зияритини башлиди

Ихтиярий мухбиримиз әкрәм
2018-11-30
Елхәт
Пикир
Share
Принт
Д у қ рәиси долқун әйса әпәнди японийә чәтәлликләр ахбарат кулубида мухбирларни күтүвелиш йиғини өткүзүп, уйғурларниң нөвәттики еғир вәзийитини әтраплиқ аңлатти. 2018-Йили 20-ноябир, токйо.
Д у қ рәиси долқун әйса әпәнди японийә чәтәлликләр ахбарат кулубида мухбирларни күтүвелиш йиғини өткүзүп, уйғурларниң нөвәттики еғир вәзийитини әтраплиқ аңлатти. 2018-Йили 20-ноябир, токйо.
RFA/Ekrem

14-Ноябирдин башлап америка вә японийәдә зиярәттә болған д у қ рәиси долқун әйса әпәнди 28-ноябирдин башлап австралийә зияритини башлиған. У бүгүн австралийәниң сидней шәһиридин зияритимизни қобул қилғанда алди билән америкидики зиярити җәрянида елип барған паалийәтлирини бир қур әсләп өтти.

Долқун әйса әпәнди сөзидә японийә зияритиниңму нәтиҗилик өткәнликини, бу нәтиҗиниң бешида японийәдики уйғур җамаитигә муһаҗирәттики уйғур миллий дәвасини тонутуш һәмдә уларни уйғур дәваси сепигә қошуштин ибарәт җиддий бир еһтияҗни орундаш қәдиминиң бесилғанлиқи икәнликини әскәртти.

Долқун әйса әпәндиниң австралийә зиярити бир һәптидин артуқ давам қилидикән. У бу һәқтә тохталғанда австралийәниң уйғурлар вә җаза лагерлири мәсилисидә һесдашлиқини қолға кәлтүрүш зөрүр болған муһим бир дөләт икәнликини тәкитлиди.

Долқун әйса әпәнди зиярәтлири әснасида австралийә дөләт хадимлири билән учришишлар өткүзидикән вә мәтбуатларниң зиярәтлирини қобул қилиш, университетларда нутуқ сөзләш қатарлиқ паалийәтләрдә болидикән. Бу зиярәт гуруппа шәклидә елип берилидиған болуп, униңға д у қ иҗраийә комитетиниң рәиси өмәр қанат, адвокат нури түркәл вә америкидики уйғур кишилик һоқуқ қурулушиниң хадими луиса ханимлар һәмдә австралийәдики уйғур сиясий актиплириму һәмраһ болидикән. 
Австралийәдики уйғур җамаәт әрбаби җүрәт әпәнди д у қ рәисиниң австралийә зиярити тоғрисида тохталғанда бу қисқиғина бир һәптә ичидә австралийәниң 4 чоң шәһиридә көплигән паалийәтләр елип берилидиғанлиқини, д у қ рәиси долқун әйса әпәндини австралийәдики уйғур җамаити билән йүз көрүштүридиғанлиқини тилға алди. 

Д у қ рәиси долқун әйса әпәнди сөзидә австралийә зиярити җәрянида австралийәдики уйғур җамаити вә уйғур тәшкилатлири билән болидиған паалийәтлириниң бу қетимқи зиярәтниң муһим мәқсәтлиридин бири икәнликини баян қилди.

Пикирләр (0)
Share
Толуқ бәт