Д у қ рәиси долқун әйса норвегийәдә бир һәптилик зиярәттә болидикән

Ихтиярий мухбиримиз әкрәм
2018-09-21
Share
dolqun-eysa-bdt-yighin.jpg Д у қ баш катипи долқун әйса әпәнди б д т ниң "кишилик һоқуқ, демократийә, қанун билән идарә қилиш мунбири" йиғинида. 2016-Йили 21-ноябир, җәнвә.
RFA/Ekrem

Игилишимизчә, 13-сентәбирдин буян франсийәниң савой вә шиветсарийәниң җәнвә шәһәрлиридә бир қатар сиясий паалийәтләр билән мәшғул болған д у қ ниң рәиси долқун әйса әпәнди б д т дики муҗадилиси ахирлашмай турупла норвегийәдики бир һәптилик зияритиниң кәнтәртиплирини алдин түзүп чиққан. Долқун әйса әпәндиниң билдүришичә, у 22-сентәбирдин башлап норвегийәниң осло вә башқа шәһәрлиридә елип баридиған бир һәптилик паалийәтлири җәрянида норвегийә ташқий ишлар министерлиқиниң хадимлири, норвегийә парламентиниң әзалири һәм дөләт әрбаблири билән учришишлар өткүзидикән.

Норвегийә уйғур комитетиниң рәиси бәхтияр өмәр әпәнди бу һәқтә тохталғанда, д у қ рәиси долқун әйсаниң норвегийәдики бир һәптилик зиярити үчүн норвегийә һөкүмити вә рафто фонди қатарлиқ орунларда бирқанчә муһим учришишларни орунлаштуриватқанлиқини тилға алди.

Долқун әйса әпәнди бу қетимқи зиярити җәрянида йәнә норвегийәдики уйғур тәшкилатлири вә җамаәтлири билән сөһбәтләр елип баридикән һәмдә уларни 11-айниң 6-күни җәнвәдә өткүзүлмәкчи болған кәң көләмлик намайишқа сәпәрвәрлик қилиш һәрикәтлири биләнму шуғуллинидикән. Д у қ иҗраийә комитетиниң норвегийәдики муавин рәиси сәмәт абла әпәнди бу һәқтә тохталғанда қурултай рәисиниң норвегийә уйғур җамаити билән елип баридиған учришишлири үчүн норвегийәдики тәшкилатлар вә яшлар қошуниниң паал тәйярлиқ қиливатқанлиқини алаһидә әскәртти. 

Норвегийәдики уйғур яшлириму д у қ рәиси долқун әйса әпәндини күтивелиш үчүн җиддий һазирлиққа киришкән болуп, норвегийәдики яшлар вәкили фердун әпәнди бизни бу һәқтә бәзи мәлуматлар билән тәминлиди.

Д у қ рәиси долқун әйса башчилиқидики уйғур вәкиллириниң б д т кишилик һоқуқ кеңишиниң 39-нөвәтлик йиғинидики паалийәтлири 21-синтәбир күни ахирлашти. Қурултай хадимлири 20-сентәбир вә 21-сентәбир күнлириму б д т да мунасивәтлик хадимлар билән муһим учришишлар өткүзди һәмдә б д т йиғинлирида уйғур дияридики җаза лагерлири мәсилисини кәң түрдә тонутуш паалийәтлирини тохтавсиз давамлаштурди. Бу хусуста кейинки программилиримизда тәпсилий мәлумат беришкә тиришимиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт