D u q re'isi en'gliyede “Jaza lagérliri” gha qarshi pa'aliyet élip barmaqta

D u q re'isi en'gliyediki “London merkizi meschiti” we “London islam medeniyet merkizi” xadimliri bilen birge. 2019-Yili 21-yanwar. London, en'gliye.

D u q re'isi en'gliyediki “London merkizi meschiti” we “London islam medeniyet merkizi” xadimliri bilen birge. 2019-Yili 21-yanwar. London, en'gliye.

D u q re'isi en'gliyediki “London merkizi meschiti” we “London islam medeniyet merkizi” xadimliri bilen birge. 2019-Yili 21-yanwar. London, en'gliye.

D u q re'isi dolqun eysa ependining bügün londondin bergen melumatlirigha asaslan'ghanda, 21-yanwar küni u en'gliyede yashawatqan Uyghur aktipliridin rehime xanim bilen birge en'gliye padishahliq uniwérsitétida Uyghurlar we jaza lagérliri mesilisi boyiche doklat bergen.

Rehime xanim bu heqte toxtalghanda, d u q re'isining doklatining yighin zalidiki oqughuchi we oqutquchilar arisida küchlük tesir qozghighanliqini tekitlidi. 

Dolqun eysa ependi 21-yanwar küni yene en'gliye parlamént ezaliri bilen uchriship, Uyghur diyaridiki jaza lagérliri mesilisi boyiche söhbet élip barghan. En'gliyening sabiq ichki ishlar ministiri norman békir ependimu d u q re'isi bilen ayrim uchriship söhbetlerde bolghan. 

D u q re'isining londondiki pa'aliyetlirining muhim küntertipliridin biri islami teshkilatlarning mes'ulliri bilen uchriship, xitayning Uyghur diyaridiki “Jaza lagérliri” gha qarshi musulman dunyasini qozghash üchün asas hazirlashtin ibaret bolghan. U bu sewebtin londondiki merkizi meschitni alahide ziyaret qilghan.

D u q re'isining en'gliye ziyariti 23-yanwargha qeder dawamlishidiken. Bu jeryanda u en'gliyening bezi muhim siyasiy erbabliri bilen ayrim-ayrim uchrishishlar élip baridiken we merkizi londonda bolghan kishilik hoquq teshkilatliri bilen jaza lagérlirigha qarshi 2019-yili birlikte élip baridighan pa'aliyetlirining küntertipini ortaq muzakire qilidiken.