Д у қ рәһбәрлири түркийә парламентида муһим учришишларни елип барди

Ихтиярий мухбиримиз әркин тарим
2018-03-23
Share
Omer-Qanat-Turkiye-Parlament-Ezaliri-Bilen-01.jpg Д у қ рәһбәрлиридин доктор әркин әкрәм әпәнди билән өмәр қанат әпәнди түркийә парламент әзалири билән көрүшмәктә. 2018-Йили 23-март. Әнқәрә, түркийә.
RFA/Erkin Tarim

Бүгүн дуня уйғур қурултийиниң муавин рәиси, доктор әркин әкрәм билән қурултай иҗраийә комитетиниң рәиси өмәр қанат әпәнди түркийә парламенти инсан һәқлири комитетиниң башлиқи өмәр сәрдар әпәнди, “түркийә-явропа парламент әзалири гурупписи” ниң мәсули исмаил әмраһ қарайәл әпәнди, парламент әзаси вәдат билгә әпәнди вә парламент әзаси камил айдин әпәндиләр билән айрим айрим учришип, уйғур дияриниң һазирқи еғир вәзийити тоғрисида тәйярлиған икки доклатни сунди.

Доклатта уйғур дияридики пикир әркинлики, диний чәклимиләр, қош тиллиқ маарип сиясити, саяһәт әркинлики, чәтәлләрдики уйғур оқуғучиларни юртиға қайтишқа мәҗбурлаш сиясити, уйғурларниң д н а әвришкисини топлаш, “тәрбийиләш мәркизи” нами астида уйғурларни лагерларға йиғивелиш сиясити, уйғур зиялийлириниң тутқун қилиниши, “қошмақ туғқан” нами астида уйғур аилиләргә хитайларни апирип қоюш қатарлиқ мәзмунлар баян қилинған.

Учришишта өмәр қанат әпәнди алди билән дуня уйғур қурултийиниң америка қошма штатлири, явропа дөләтлиридә йеқиндин буян елип барған паалийәтлири, америкидики уйғур кишилик һоқуқ қурулуши, америка қошма штатлири башқа демократик дөләтләрниң вә кишилик һоқуқ тәшкилатлириниң уйғур дияридики кишилик һоқуқ дәпсәндичиликигә болған инкаслири тоғрисида мәлумат бәрди. Кейин түркийә һөкүмитиниңму қериндаш уйғур хәлқиниң бундақ еғир вәзийитигә қарап турмаслиқи керәкликини баян қилди. 

Арқидин парламент әзалири хитайниң уйғурларға немә үчүн бундақ еғир бесим қиливатқанлиқини сориғинида дуня уйғур қурултийиниң муавин рәиси, доктор әркин әкрәм буниң сәвәбиниң көп икәнликини, буниң ичидә әң муһим сәвәбиниң бу земинниң игиси болған уйғурларни йоқ қилиш икәнликини баян қилди.

Өмәр қанат әпәнди парламент әзалириға уйғур дияридики кишилик һоқуқ дәпсәндичилики тоғрисида тәйярланған доклатларни бәргәндин кейин қериндаш түркийә җумһурийитидин уйғурларниң күткәнлири тоғрисидиму тохталди.

Доктор әркин әкрәм әпәнди 3-айниң 22-23-күнлири 4 нәпәр парламент әзаси билән айрим айрим учришип, уйғурларниң бүгүнки еғир вәзийити вә бу һәқтә уйғурларниң күткәнлири қатарлиқ мәсилиләрни чөридигән һалда әтраплиқ мәлумат бәргәнликини, парламент әзалириниңму бу һәқтә вәдә бәргәнликини баян қилди. 

Дуня уйғур қурултийи иҗраийә комитетиниң рәиси өмәр қанат әпәнди 1980-йиллардиму уйғурларниң сабиқ лидери әйса йүсүп алиптекин әпәнди билән көп қетим әнқәрәгә келип, түрк сиясәтчиләргә мәлуматларни берип турған кишиләрдин бири. Өмәр қанат әпәнди бу хил учришишларниң уйғур дәваси үчүн пайдилиқ болидиғанлиқини баян қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт