Рабийә қадир башлиқ д у қ рәһбәрлириниң явропа парламентидики зиярити давамлашмақта

Ихтиярий мухбиримиз әкрәм
2017-01-26
Share
duq-yawropa-parlamenti-kishilik-hoquq-panseri.jpg Рабийә қадир башлиқ д у қ рәһбәрлири явропа парламенти кишилик һоқуқ кеңишиниң рәиси пансери әпәнди билән көрүшти. 2017-Йили 26-январ, бирюссел, белгийә.
RFA/Ekrem

26-январ д у қ рәһбәрлири явропа парламентидики зиярити давамида бәш нәпәр парламент әзаси билән сөһбәт өткүзди, уларға уйғурларниң авази вә тәләплирини йәткүзди.

Д у қ рәһбәрлириниң явропа парламентидики зиярити 26-январ чүштин бурун парламент әзаси, явропа бирлики кишилик һоқуқ комитетиниң муавин рәиси барбара лоһ беһләр ханимниң қобули билән саәт 11:00 да башланған иди. Саәт 12:00 дин кейин, қурултай рәиси рабийә ханим америкидин йетип келип, чүштин кейинки сөһбәтләрдә д у қ рәһбәрлири билән биргә болди.

Улар бүгүн, явропа парламенти кишилик һоқуқ кеңишиниң рәиси пансери әпәнди башлиқ бәш нәпәр парламент әзаси билән учришиш өткүзүп, уйғурлар вәзийитидин әтраплиқ мәлуматлар бәрди. Д у қ рәһбәрлириниң билдүрүшичә, учришишқа қатнашқан кишилик һоқуқ кеңиши рәиси вә парламент әзалириниң һәммисила юқири дәриҗилик әрбаблар болуп, явропа бирликиниң хитай сияситигә биваситә қол тиқидиған шәхсләр иди. Буларниң ичидә, хитай тәрәпниң бирқанчә қетим уйғурларниң ишиға арилашмаслиқ һәққидики илтимасиға дуч кәлгән, парламентниң иҗтимаий әркинлик, адаләт комитетиниң мәсули, азсанлиқ милләтләр гурупписиниң әзаси, "уйғурларниң қәдинас дости" дәп тәриплинидиған согор әпәнди, кишилик һоқуқ комитетиниң муавин рәиси лоһ биһлер ханим вә йеңидин кишилик һоқуқ комитетиға рәис болған пансәри әпәндиләрму бар иди.

23-январдин буян, д у қ рәһбәрлири явропа парламентиниң 20 нәпәр рәһбири вә әзаси билән сөһбәтләр елип барди. Бәзиләр билән елип берилған сөһбәтләр таки нәтиҗиси оттуриға чиққучә сир һалитидә қалидиған болди. Әтә 27-январ чүштин кейин паалийәтләр ахирлашмақчи.

Биз һазир, белгийә пайтәхти бирюсселдики явропа парламентида туруп, бүгүнки вә бу бир һәптилик сөһбәтләрниң нәтиҗиси һәққидә д у қ рәиси рабийә ханим, муавин рәиси өмәр қанат вә баш катип долқун әйса әпәндиләр билән елип барған сөһбәт хатирисини һузуруңларға сунимиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт