Gérmaniyening 5 chong shehiride xitaygha qarshi namayish ötküzüldi

Ixtiyariy muxbirimiz ekrem
2019-02-04
Élxet
Pikir
Share
Print

Gérmaniyediki "Milliy görüsh" teshkilati dunya Uyghur qurultiyi bilen hemkarliship, yawropadiki 10 dölet, 16 sheherde namayish teshkillidi.

Merkizi gérmaniyening köln shehiride bolghan "Milliy görüsh" teshkilati d u q bilen hemkarliship, 2-féwraldin bashlap yawropa döletliri, awstraliye, shimaliy amérika qit'eliride xitayning Uyghurlar üstidin yürgüzüwatqan zulumlirigha, jaza lagérlirigha qarshi namayish teshkillidi. Dunyaning her yéride yüzminglarche ezasi bolghan bu teshkilat yalghuz yawropaning özidila 10 dölet, 16 merkiziy sheherde namayish uyushturghan bolup, 2-féwral küni gérmaniyening 5 chong shehiride birla waqitta namayish ötküzüldi.

Gérmaniyening hamburg, düsséldorf sheherliride kölimi zor namayishlar ötküzülgen bolsimu, namayishchilar bilen alaqilishish imkanimiz bolmidi. Emma bérlin, frankfurt we myunxén shehiride ötküzülgen namayishlar toghrisida neq meydandin melumat igiliyeliduq.

Myunxén shehiridiki namayish meydanidin bizni uchur bilen teminligen d u q ning mu'awin re'isi perhat muhemmidi namayishning tesirlik ötkenlikini hemde türk qérindashlirigha bolghan minnetdarliqini bayan qilip ötti.

Gérmaniyening frankfurt shehiride ötküzülgen namayishqa 300 etrapida türkler we 30 etrapida Uyghurlar qatnashqan bolup, 200 kilométir yol yürüp, alayiten karlsruxé shehiridin frankfurtqa bérip bu namayishqa ishtirak qilghan d u q tetqiqat merkizining mudiri enwer ehmet ependi namayish heqqide bizni melumat bilen teminlidi.

Gérmaniye paytexti bérlinda 2-féwral küni ötküzülgen namayishningmu kölimi zor bolghan. D u q yashlar komitétining mudiri gheyur qurban ependi xitayning bérlindiki bash elchixanisi aldida ötküzülgen bu namayish toghrisida öz qarashlirini otturigha qoyup ötti.

2-Féwral küni yene en'gliye, awstriye, bélgiye, daniye, gollandiye, firansiye, awstraliye qatarliq döletlerdimu namayishlar bolup ötken. "Milliy görüsh" teshkilati teshkilligen bu xildiki namayishlar yene dunyaning oxshimighan döletliridiki merkiziy sheherlerde 3-féwraldin 6-féwralghiche dawam qilidiken.

Toluq bet