Amstérdamda ay-yultuzluq kök bayraqlar lepildidi

Ixtiyariy muxbirimiz pida'iy
2014-01-14
Share

D u q ning chaqiriqigha asasen gollandiyediki Uyghurlar 12‏-yanwar amstérdamdiki dam meydanida jem bolup, ay-yultuzluq kök bayraqlirini lepildetti we xitay hökümitining ötken bir yilda sherqiy türkistanda yüz bergen barliq toqunushlarni qanliq basturghanliqigha qarita naraziliqini bildürdi. Jarangliq sho'arliri bilen etrapni lerzige salghan namayishchilar xitay hökümitining dölet térrorluqi arqiliq, sherqiy türkistandiki Uyghurlarni merkez qilghan yerlik milletni assimilyatsiye qilip yoqitish suyiqestining barghanséri chektin éshiwatqanliqini dunya jama'etchilikige anglatti. Teshwiqat waraqlirini tarqatti we bayanatlar oqudi.

Pa'aliyetni gollandiye Uyghur birliki teshkilati uyushturdi. Gollandiye Uyghur yashlar partiyisi we yawropa sherqiy türkistan ma'arip jem'iyiti ezaliri maslashti. 2 Sa'ettin artuq dawam qilghan namayish shu yer waqti 13:00 de bashlinip, 15:30 de axirlashti.

Pa'aliyet élip bérilghan meydan dunyaning herqaysi jayliridin kelgen sayahetchiler ziyaret qilidighan alahide jaylardin biri bolup, Uyghurlarning bu namayishini chet'ellik sayahetchiler qatarida xitaydin kelgen sayahetchilermu kördi. Yoldin ötüp kétiwatqan bir türk moysipit "Sherqiy türkistanliq qérindashlirimgha salamlar bolsun" dep, özining Uyghurlarni qollaydighanliqini bildürüp ötti. Yene hindonéziyelik bir guruppa musulman yashlarmu ay-yultuzluq kök bayraqni tutup namayishchilar bilen birge xatire resimge chüshti. Ulardin biri Uyghurlarning béshigha kéliwatqan musibetlerdin nechche yildin béri xewerdar bolup kéliwatqanliqini éytti.

Gollandiye Uyghur birliki teshkilatining re'isi abdusalam niyaz ependi we yawropa sherqiy türkistan ma'arip jem'iyitining mes'ulliridin eysa qarajimlar ziyaritimizni qobul qilip, bu pa'aliyet heqqide toxtaldi we bu munasiwet bilen wetendashlirigha salamlar yollidi. Uningdin bashqa yene, nurghun ishtirakchilarmu özining namayishqa qatnishishtiki meqset-muddi'aliri we arzu-tileklirini radi'o anglighuchilirimizgha teqdim qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet