Gollandiyediki Uyghurlar amstérdam shehiridiki dam meydanida namayish qildi

1‏-Öktebir gollandiyediki Uyghurlar amstérdam shehirige jaylashqan meshhur dam meydanida, xitay hökümitining bayram shadliqigha qarshi namayish pa'aliyiti élip bardi.

Namayish pa'aliyitini gollandiye Uyghur birliki teshkilati teshkillidi. Yawropa sherqiy türkistan ma'arip jem'iyiti bilen gollandiye Uyghur yashlar partiyisi teshkilatining ezaliri zich maslashti. Namayish shu yer waqti 2 din 4 kéche dawam qildi. Ayyultuzluq kök bayraqliri bilen erkinlik telep qilin'ghan lozunkilar we zulum ipade qilin'ghan plakatlarni kötürüwalghan namayishchilar jarangliq sho'arliri bilen meydanni élkige aldi.

Bu qétimliq namayish xitaylarning dölet bayrimi munasiwiti bilen heptining ikkinchi künige yeni seyshenbe künige toghra kelgen idi. Bu kün normalda oqush, xizmet we bashqa ijtima'iy hayatqa munasiwetlik saheler bilen aldirash ötidighan bir kün bolsimu, del xitaylar bayram qiliwatqan künde özining heqliq dewasi bilen ularni shermende qilishni purset bilgen we bu erkin dunyadiki imkaniyetliridin paydilinip, namayishta bolsimu bir kishilik mejburiyitini ada qilishni ela bilgen Uyghurlardin ziyaritimizni qobul qilghanlar birdek, özining bir kishilik mes'uliyitini ada qilalighanliqi bilen wijdani aldida rahetliniwatqanliqini bildürdi.

Amstérdam gollandiyening sayahet paytexti bolup, dam meydani bilen meshhur. Bu yerge her küni dégüdek dunyaning herqaysi jayliridin sayahetchiler kélip turidu. Shu sewebtin Uyghurlarning zulmetlik qismetlirini dunya ehlige anglitidighan yaxshi bir orun bolup kelmekte.