Herbiy parat mezgilide yekende weqe chiqqanliqi ashkarilandi

Muxbirimiz shöhret hoshur
2015-09-03
Share
qeshqer-saqchi-herbiy-uyghur-qarshiliq.jpg Kocha charlawatqan xitay qoralliq küchliri. 2014-Yili 3-mart, qeshqer.
Imaginechina


Bügün xitayche dowéy we yaponche Mainichi Shimbun qatarliq axbarat wastiliri xitayning herbiy parat harpisida yekende qoralliq qarshliq herikiti yüz bergenliki we buning bilen yerkende xitay qoralliq qisimlirining jiddiy haletke ötkenliki xewer qilindi. Weqening tepsilati heqqide héchqandaq melumat bérilmigen bu xewerde, yeken bazirida shu mezgilde partlash we oq awazi anglan'ghanliqi tilgha élin'ghan. Muxbirimiz bügün bu melumatqa asasen yeken nahiye baziri we etraptiki saqchixanilargha téléfon qilip weqe heqqide melumat soridi. Bir qsim saqchilar weqedin pütünley xewersizlikini éytsa, beziliri weqelerni ashkarilmasliq heqqide yuqiridin uqturush barliqini, shunga bu heqte melumat bérilmeydighanliqini éytti؛ yéngi'östeng saqchixanisining xadimliri bolsa, weqening bir hujum qilish weqesi ikenlikini, özliridin 17 kilométir uzaqta yüz bergenlikini we saqchilarning nöwette urush halitide turiwatqanliqini ashkarilidi.

Hörmetlik radiyo anglighuchilar, yéngi'östeng saqchi xadimi öz tewelikidin 17 kilométir yiraqliqta weqe chiqqanliqini, weqede nahiyilik saqchi idarisining hujumgha uchrighanliqini bayan qildi, emma munasiwetlik matériyallarda yéngi'östeng yézisining nahiye baziridin peqet 8 kilomtér uzaqliqta ikenliki körsitilmekte. Téléfonimizni qobul qilghan saqchi xadimlirining jiddiy we alaqzade keypiyati herbiy parat harpisida yekende weqe chiqqanliqini we weqe heqqidiki uchurlarning qattiq kontrol qiliniwatqanliqini ashkarilimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet