Шиветсийәдики уйғур зиялийлар илһам тохти мәсилисидә хитай һөкүмитини әйиблиди

Ихтиярий мухбиримиз еһсан
2014-09-25
Share
ilham-toxti-sot-deplomat.jpg Илһам тохтиниң сотиға қатнишиш үчүн үрүмчигә кәлгән чәтәл дипломатлири сот мәйданиға киргүзүлмигәндин кейин, хитай сот хадими(оттурида) билән сөзләшмәктә. 2014-Йили 17-сентәбир, үрүмчи.
AFP

Хәлқараға тонулған уйғур зиялийси илһам тохти әпәнди 23-сентәбир күни хитай даирилири тәрипидин аталмиш дөләтни парчилаш"җинайити" билән әйиблинип муддәтсиз қамақ җазасиға һөкүм қилинди.

Бу хәвәр елан қилинғандин кейин пүтүн дуня җамаәтчилики,хитай һөкүмитигә қарита баянат вә инкасларни қайтурди.

Шиветсийәдә яшаватқан уйғурларму бу хәвәрни аңлиғандин кейин қаттиқ ғәзәпләнди.

Шиветсийәдә паалийәт қиливатқан сиясий паалийәтчи абдулла әһәт "шәрқий түркистан тәшвиқат мәркизи"тор бетидә елан қилған баянатида мундақ язиду: пәхирлик устазимиз илһам тохти әпәнди уйғур хәлқиниң азадлиқи, һөрлүки үчүн издәнгән вә шәрқи түркистандики мәсилиләрни хитайниң асасий қанунлириға тайинип һәл қилишни тәшәббус қилған мунәввәр зиялийлиримизниң биридур.

Хитай мустәмликә күчлири, пәхирлик уйғур зиялийси илһам тохти әпәндини қанунсиз қолға елип, муддәтсиз қамаққа һөкүм қилғанлиқидин һәмдә хитай һөкүмитиниң өзи түзгән қануний бәлгилимиләргиму әмәл қилмиған қанунсиз сот икәнликидин қаттиқ ғәзәплинидиғанлиқини билдүрди.

Ахирида дуня хәлқини хитай һөкүмитиниң бу қанунсиз қилмишиға қарита сүкүттә турувалмаслиққа, өзлириниң инсаний әхлақи бурчини ада қилип, хитай һөкүмитиниң рәзил қилмишини қаттиқ әйибләп әмәлий инкас қайтурушқа чақирди.

Зияритимизни қобул қилған абдул әһәт хитай даирилириниң илһам тохтиға қолланған җазаси ,хитай һөкүмити демократийигә қарап өзгириду дегән зиялийларни үмидсизләндүриду деди.

Шиветсийәдә паалийәт қиливатқан "шәрқий түркистан тәшвиқат мәркизи" мәсули турғун һимит зияритимизни қобул көз қаришини баян қилди. Зиялий муһәммәт уйғур, хитайниң коммунистик түзүлмиси һаман тарих сепидин қелип қалидиғанлиқини ипадилиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт