Gérmaniyening myunxén shehiridiki Uyghurlar xitay konsulxanisi aldida naraziliq namayishi ötküzdi

Ixtiyariy muxbirimiz erkin tarim
2014-10-01
Share
germaniye-xitay-konsuli-namayish.JPG Xitay xelq jumhuriyiti qurulghanliqining 65 yilliqini Uyghurlar xitay elchixanisi aldida naraziliq namayishi bilen xatirilidi. 2014-Yili 1-öktebir, myunxén.
RFA/Erkin Tarim

Xitay xelq jumhuriyiti qurulghanliqining 65 yilliqini, muhajirettiki Uyghurlar öz döletliridiki xitay elchixaniliri aldida naraziliq namayishi bilen xatirilidi.

10-Ayning 1-küni gérmaniyening myunxén shehiridiki xitay konsulxanisi aldida ötküzülgen namayishqa, myunxén shehiride yashawatqan Uyghurlardin 100 din artuq kishi qatnashti.

Xitay konsulxanisi aldida ötküzülgen namayishta, dunya Uyghur qurultiyining mu'awin re'isi esqerjan ependi, yawropa sherqiy türkistan birlikining re'isi enwer jan ependi, ümid agahi ependi we dunya Uyghur qurultiyi ijra'iye komitéti mudiri dolqun eysa ependiler qatnashti. Namayish jeryanida esqer jan némische, perhat muhemmed ependi bolsa Uyghur tilida muxbirlargha bayanat berdi. Perhat sözide 1-öktebirni, Uyghurlar bügün duch kéliwatqan zulum we balayi'apetlerning bashlan'ghuch nuqtisi dep körsetkendin kéyin, 65 yildin béri xitayning Uyghurlargha qilghan zulumini qisqiche bayan qilip ötti. Esqerjan bolsa nuqtiliq halda bügün xitayning Uyghurlargha qarita élip bériwatqan qirghinchiliq siyasiti we insan heqliri depsendichiliki toghrisida toxtaldi.

Uyghurlar 20-esirde ikki qétim musteqilliq jakarlap, "Sherqi türkistan islam jumhuriyiti" we "Sherqi türkistan jumhuriyiti" namida ikki dölet qurghan. 1944-Yili qurulghan 2-qétimliq sherqi türkistan jumhuriyitining hakimiyitige, 1949-yili 10-ayning 1-küni xitay xelq jumhuriyiti qurulghandin kéyin xatime bérilgen.

Bügün yene xitayning dunyaning herqaysi jayliridiki elchixaniliri aldida namayish ötküzülüp, xitayning Uyghur élidiki mustemlikichilikige naraziliq bildürüldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet